Annabi Daniyɛli 2:14-23

¹⁴Mangɛ kantamae xunyi Ariyoki to mini Babilɔn lɔnnilae faxade,

¹⁵Daniyɛli naxa a maxɔrin mayandi ra, «Munfe ra mangɛ yi yaamari xɔrɔxɔɛ mɔɔli fixi?» Ariyoki naxa na tagi raba Daniyɛli bɛ.

¹⁶Na tɛmui Daniyɛli naxa siga mangɛ yire, a fa a mayandi a xa tɛmui nde fi a ma alako a xa nɔ na xiye nun a kui ife fasaride a bɛ.

¹⁷Daniyɛli naxa siga a xɔnyi, a yi fe birin masen a boore Xananiya, Mikayeli, nun Asaraya bɛ.

¹⁸A naxa a fala e bɛ, e xa Koore Ala makula a xa kinikini e ma, a xa yi gundo masen e bɛ, alako Daniyɛli, a booree, nun Babilɔn lɔnnilae birin naxa faxa.

¹⁹Na kɔɛ ra, Ala naxa na xiye xa gundo masen Daniyɛli bɛ laamatunyi ra. Daniyɛli naxa Koore Ala tantu

²⁰yi masenyi ra, «Ala xili xa tantu tɛmui birin, dan mu na naxan ma,

²¹barima a tan nan gbe na fe kolonyi nun sɛnbɛ ra. A tan nan waxati nun a kɛɲa masarama. A tan nan mangɛe bama, a tan nan mangɛe rasabatima. A lɔnni fima lɔnnilae ma, a xaxili fanyi fima xaxilimae ma.

²²A gundo tilinxi makɛnɛnma, a fe nɔxunxi raminima naiyalanyi ra.

²³N benbae Marigi Ala, n i matɔxɔma, n i tantuma, lɔnni nun sɛnbɛ xa fe ra i naxan fixi n ma. I bara n nakolon fe ma, muxu naxan maxɔrinxi i ma, i bara muxu rakolon mangɛ xa xiye ra.»