عَننَبِ دَنِيّلِ 2:14-23

¹⁴مَنفّ كَنتَمَيٍ شُنيِ عَرِيٌكِ تٌ مِنِ بَبِلْن لْننِلَيٍ قَشَدٍ،

¹⁵دَنِيّلِ نَشَ عَ مَشْرِن مَيَندِ رَ، «مُنقٍ رَ مَنفّ يِ يَامَرِ شْرْشْي مْولِ قِشِ؟» عَرِيٌكِ نَشَ نَ تَفِ رَبَ دَنِيّلِ بّ.

¹⁶نَ تّمُي دَنِيّلِ نَشَ سِفَ مَنفّ يِرٍ، عَ قَ عَ مَيَندِ عَ شَ تّمُي ندٍ قِ عَ مَ عَلَكٌ عَ شَ نْ نَ شِيٍ نُن عَ كُي عِقٍ قَسَرِدٍ عَ بّ.

¹⁷دَنِيّلِ نَشَ سِفَ عَ شْنيِ، عَ يِ قٍ بِرِن مَسٍن عَ بٌورٍ شَنَنِيَ، مِكَيٍلِ، نُن عَسَرَيَ بّ.

¹⁸عَ نَشَ عَ قَلَ عٍ بّ، عٍ شَ كٌورٍ عَلَ مَكُلَ عَ شَ كِنِكِنِ عٍ مَ، عَ شَ يِ فُندٌ مَسٍن عٍ بّ، عَلَكٌ دَنِيّلِ، عَ بٌورٍيٍ، نُن بَبِلْن لْننِلَيٍ بِرِن نَشَ قَشَ.

¹⁹نَ كْي رَ، عَلَ نَشَ نَ شِيٍ شَ فُندٌ مَسٍن دَنِيّلِ بّ لَامَتُنيِ رَ. دَنِيّلِ نَشَ كٌورٍ عَلَ تَنتُ

²⁰يِ مَسٍنيِ رَ، «عَلَ شِلِ شَ تَنتُ تّمُي بِرِن، دَن مُ نَ نَشَن مَ،

²¹بَرِ مَ عَ تَن نَن فبٍ نَ قٍ كٌلٌنيِ نُن سّنبّ رَ. عَ تَن نَن وَشَتِ نُن عَ كّحَ مَسَرَ مَ. عَ تَن نَن مَنفّيٍ بَمَ، عَ تَن نَن مَنفّيٍ رَ سَبَتِمَ. عَ لْننِ قِمَ لْننِلَيٍ مَ، عَ شَشِلِ قَنيِ قِمَ شَشِلِمَيٍ مَ.

²²عَ فُندٌ تِلِنشِ مَكّنّنمَ، عَ قٍ نْشُنشِ رَ مِنِمَ نَءِيَلَنيِ رَ.

²³ﭑ بٍنبَيٍ مَرِفِ عَلَ، ﭑ عِ مَتْشْمَ، ﭑ عِ تَنتُمَ، لْننِ نُن سّنبّ شَ قٍ رَ عِ نَشَن قِشِ ﭑ مَ. عِ بَرَ ﭑ نَكٌلٌن قٍ مَ، مُشُ نَشَن مَشْرِنشِ عِ مَ، عِ بَرَ مُشُ رَكٌلٌن مَنفّ شَ شِيٍ رَ.»