Dañeel 2:14-23

¹⁴Dañeel def ug teey, jiital xelam, wax ak Aryog, kilifag dagi buur, fekk kooku di dem, nara reyi boroom xam-xami Babilon.

¹⁵Mu laaj Aryog ndawal Buur, ne ko: «Waaw, lu waral bii dogal bu diis tukkee ci Buur?» Aryog xamal Dañeel mbir ma.

¹⁶Dañeel nag dem ca Buur, ñaan ko mu may ko jot gu mu ko joxe pirim gént ga.

¹⁷Ba loolu amee Dañeel ñibbi, daldi xamal mbir ma Anaña ak Mikayel ak Asaryaa, àndandoom ya,

¹⁸ngir ñu sàkku yërmandey Yàlla Boroom asamaan ci wàllu mbóot moomu, ndax ñu bañ leena rey mook àndandoom yaak yeneen boroom xam-xami Babilon.

¹⁹Ca guddi ga nag, ñu won mbóot ma Dañeel ci biir peeñu. Ci kaw loolu Dañeel sant Yàlla Boroom asamaan,

²⁰daldi ne: «Cant gu amul ndoorte amul kemu ñeel na Yàlla, xam-xam ak kàttan mooy boroom.

²¹Mooy walbati jamono, di soppi demin, di fal buur, di folli. Mooy xelal boroom xel mu rafet, di xamal boroom xel mu ñaw.

²²Mooy feeñal mbóot mu làqu, xam li ci biir lëndëm, te leer màkkaanoo ko.

²³Sama Yàllay maam, maa lay gërëm, di la sant. Yaa ma may xam-xam ak manoore, xamal ma li nu la laaj. Yaa nu xamal mbirum Buur mii.»