Dɑniɛli 2:14-23

¹⁴Sɑnɑm mɛ Ariɔku sinɑ bokon kirukubɑn guro guro u yɑrɑ u kɑ Bɑbilonin bwisigii be go, Dɑniɛli u kɑ nùn gɑri kuɑ kɑ bwisi kɑ lɑɑkɑri.

¹⁵U nɛɛ, ɑmɔnɑ sinɑ bokon woodɑ yeni yɑ kɑ dɑm mɔ mɛ. Yerɑ Ariɔku u nùn gɑri yin ɑsɑnsi tubusiɑ.

¹⁶Mɑ Dɑniɛli u dɑ sinɑ bokon mi u nùn kɑnɑ u nùn deri sɑɑ fiiko, kpɑ u wɑ u nùn dosu ge tubusiɑ.

¹⁷Mɑ Dɑniɛli u wurɑ dirɔ u win kpɑɑsibu Hɑnɑniɑ kɑ Misɛli kɑ Asɑriɑ gɑri yi sɔ̃ɔwɑ.

¹⁸Mɑ u bu yiire bu Wɔrukoo kɑnɑ u ben wɔnwɔndu wɑ kpɑ u bu dosu ge sɔ̃ kpɑ bu ku rɑɑ bu go kɑ bwisigii be sɑnnu.

¹⁹Yen biruwɑ Gusunɔ u Dɑniɛli dosu ge sɔ̃ɔwɑ wɔ̃kuru, kɑ̃siru sɔɔ. Mɑ Dɑniɛli u nùn siɑrɑ. U nɛɛ,

²⁰Yinni Gusunɔ, wunɑ ko nɑ n siɑrɑmɔ kɑ bɑɑdommɑɔ. Wunɑ ɑ bwisi kɑ dɑm mɔ.

²¹Wunɑ ɑ rɑ sɑɑbɑ gɔsie. Wunɑ ɑ rɑ sinɑmbu bɑndu wɛ̃. Wunɑ ɑ rɑ mɑɑ bu bɑndu yɑre. Wunɑ ɑ rɑ lɑɑkɑrigibu lɑɑkɑri wɛ̃, kpɑ ɑ bwisigibu yɛ̃ru kɛ̃.

²²Wunɑ ɑ rɑ tɔnu sɔ̃ɔsi ye yɑ beruɑ, ye u ǹ kpɛ̃ u kɑ tii tubu. A yɛ̃ ye yɑ wɑ̃ɑ wɔ̃kuru sɔɔ. Domi yɑm bururɑm mu rɑ n wɑ̃ɑwɑ wunɛn mi.

²³Gusunɔ nɛn bɑɑbɑbɑn Yinni, nɑ nun siɑrɑmɔ. Nɑ tɑkɑru mɔ̀ bwisi kɑ dɑm mɛ ɑ mɑn kɑ̃n sɔ̃. Domi ɑ mɑn sɔ̃ɔsi ye sɑ nun bikiɑ. A sun sinɑ bokon dosu ge sɔ̃ɔwɑ.