Daniyɛli 2:14-23

¹⁴Daniyɛli yi a xuiin namini ɲɔxɔ luun nun xaxilimayaan na Ariyoki ma mangan kantan muxune xunna, naxan yi faan kiraan xɔn ma siga Babilɔn fekolonne faxadeni.

¹⁵A Ariyoki maxɔdin, a naxa, “Nanfera mangan bata sariya xɔdɛxɛ sifani ito sa.” Ariyoki yi na feen yɛba Daniyɛli xa.

¹⁶Nanara, Daniyɛli yi siga mangan fɛma, a yi a mayandi alogo a xa waxatin fi a ma, a xa nɔ a xiyen nun a bunna falɛ mangan xa.

¹⁷Daniyɛli yi siga banxini, a feni ito birin yɛba a lanfane xa, Xananiya nun Mikayeli e nun Asari.

¹⁸A yi e mafan a e xa Ala maxandi naxan kore, a xa kininkinin e ma, a xa fe luxunxini ito yita e ra alogo e nama Daniyɛli nun a lanfane faxa Babilɔn fekolonna bonne xɔn.

¹⁹Nanara, Daniyɛli yi fe toon ti kɔɛɛn na alo xiyena, fe luxunxin yi lankɛnɛmaya a xa. Daniyɛli yi Ala tantun naxan kore,

²⁰a naxa, “Ala xinla xa tantun habadan habadan! Amasɔtɔ a tan nan gbee kolonna nun sɛnbɛn na.

²¹A tan nan waxatin nun a kɛɲane maxɛtɛma: A tan nan mangane bama. A tan nan mangane dɔxɔma. A fekolonna fima fekolonne ma, a lɔnnin fima xaxilimane ma.

²²A fe tilinxi luxunxine lankɛnɛmayama. A dimi yi feen kolon, bayo kɛnɛnna a yii.

²³N benbane Ala, n na i tantunma, n yi i batu fekolonna nun fangana a fe ra i naxan fixi n ma. I bata n nakolon na ra, nxu naxan maxɔdinxi i ma, i bata nxu rakolon mangana xiyen na.”