Daniel 2:14-23

¹⁴Tana bona Arioch, na mane nagho ta nina lei malaghai righitaoni na vunaghi haba, te mai geke matera, Daniel te tabea nia na manaha mana ghilala.

¹⁵Agaia te nongia, “Na hava na pukuna ge nia hevei horu na vunaghi haba na bosa mava te eni?” Keri vaho ge Arioch te bosai vania na hava te kale.

¹⁶Ma Daniel te va tona tana vunaghi haba me va nongia me ke ghua na pile bona geke tabotabo na bosaana vania na vunaghi haba na maturubole mana hava ilokana.

¹⁷Ma Daniel te pulohi tana valena/komu me va tutughui vanira lei hoghona Hananiah, Mishael ma Azariah na hava te kale.

¹⁸Me kurutira ge kara kokoeliulivuti vanira God ni kokou ke tatea vanira nina veiarovi nia na tughuniana vanira na hava te polo, ge kara mua labumate kolura nia na lei mane manaha ni Babylon.

¹⁹Mi tana bongi vaghana keri, God te tatea vania Daniel tana mabubu na hava te polo. Keri ke, a Daniel te holouto God ni kokou,

²⁰me ghaghua, “Holouto na ahana God ke va me va, Agaia vamua te loghoa na manaha mana maana.

²¹Ma God vamua te loghoa na lei volavola ni bona tana maramana; agaia te hola kehara na lei vunaghi haba tana malei sopou ni vunaghi, me ghoi sopou laghinira rana keha iga. Ma gaia te vahera manamaha vanira tara manaha, mana ghanaghana uto vanira tara naunau/manaha tua.

²²Ma gaia te tatei na lei totobo haeharegha me ghilalai na hava te polo tana pungi, sakai vamua te hinari talighutia na marara.

²³Aghe God didira lei kukuagu/vaivarigu, inau tu holouto mu holohabagho ighoe, na pukuna ighoe to vaheu mai na manaha mana laga. Ighoe to bosa vaniu na hava tai nongia itamua, mo tatea vanighai na hava te liona na vunaghi haba.”