DANIEL 2:14-23

¹⁴Bena Daniel ese ena hereva nahuana e tohoa, bena mai lalo-pararana ida Ariok, hanua pavapavana ena hegima oreana biaguna, aonega taudia Babulono ai iala-masedia totona ela tauna, na e haere henia.

¹⁵Ia ese Ariok, hanua pavapavana ena tuari lohiana, e nanadaia, eto, Badina be dahaka hanua pavapavana ena hahedua na auka herea? Bena Ariok ese una kara na Daniel e hamaorolaia.

¹⁶Bena Daniel na e raka vareai, hanua pavapavana e noia, nega ta baine gwaurai henia, nihi anina na hanua pavapavana baine hamaorolaia helaoreana.

¹⁷Bena Daniel na ena ruma ela, una kara na ia bamona lIanania bona Misael bona Asaria e hamaorolaidh,

¹⁸bena e hamaorodia danu, guba Duavana ena hebogahisi bae tahua, una ḡau hehunina dainai, Daniel mai bamona ida na aonega taudia Babulono ai oredia ida basie mase bou helaoreana.

¹⁹Bena una ḡau hehunina na Daniel enai e hedinarai, hanuaboi mata-hanaina lalonai. Bena Daniel ese guba Duavana e hanamoa.

²⁰Daniel eto, Dirava ladana bae hanamoa ela bona hanaihanai; aonega bona goada na ienai.

²¹Ia ese nega bona nega hetoadia e ha-idaudiamu; ia ese hanua pavapavadia e abidia ohomu bona e haginidiamu; ia ese aonega taudia na aonega e henidiamu, bona lalo-parara taudia na lalo-parara e henidiamu.

²²Ia ese ḡau dobudia bona ḡau hehunidia e hahedinaraidiamu; dibura ai e miamu ḡaudia na ia dibana, diari na ienai e miamu.

²³Senegu edia Dirava e, lau na hanamomumu, na imodaimumu; badina be oi ese aonega bona goada vada o henigu, bona ai ese a noimu ḡauna na vada o hadibalaigu; badina be hanua pavapavana enai e vara karana na vada o hadibalaimai.