DANIƐLI 2:14-23

¹⁴Kɛ̀ kína dogarinↄ gbɛ̃nsi Ariↄki gàa Babilↄnu ↄ̃ndↄ̃rinↄ dɛdɛ, ben Daniɛli yãzɛdee ònɛ kↄ̃n asãnsio

¹⁵à à là à bè: Bↄ́yãnzi kína yã pãsĩ pì dìɛzi? Ben Ariↄki yã pì tↄ̃kɛ̃̀ Daniɛlinɛ.

¹⁶Ben Daniɛli gàa à wɛ́ɛ kɛ̀ kínaa à sↄ̃ kↄ̃n gurↄↄo aɛ féte gbasa à nanaa pì bↄkↄ̃tɛnɛ.

¹⁷Ben à tà bɛ à yã pì tↄ̃kɛ̃̀ a gbɛ̃nↄnɛ Anania kↄ̃n Misailio kↄ̃n Azariao.

¹⁸À bèńnɛ aↄ̃ wɛ́ɛ kɛ Luda Musudea à wɛ̃nda dↄ̃ńnɛ nanaa pì asii yã musu, lɛ wàton ń dɛdɛ kↄ̃n Babilↄnu ↄ̃ndↄ̃ri kpaaanↄro yãnzi.

¹⁹Gwãavĩn Daniɛli wɛ́ɛgupu è, Luda Musude nanaa pì asii ònɛ, ben Daniɛli à sáabu kpà à bè:

²⁰Wàgↄ̃ Luda sáabu kpaa gurↄ píngi, àmbe à ↄ̃ndↄ̃ kↄ̃n gbãaao vĩ.

²¹È gurↄ kↄ̃n à zakao liɛ, è kínanↄ kpá kpatan è ń bↄn, è ↄ̃ndↄ̃ↄ da ↄ̃ndↄ̃deenↄnɛ, è dↄ̃na kpá wɛ́ɛzɛ̃rinↄa.

²²È asii yãnↄ kↄ̃n yã kɛ̀ aↄ̃ↄ utɛnanↄ ↄdↄańnɛ, à gusia yãnↄ dↄ̃, zaakɛ àmbe è guu pu.

²³Ma n sáabu kɛ̀ ma dezinↄ Luda, ma n tↄ́ kpà, zaakɛ n ↄ̃ndↄ̃ kↄ̃n gbãaao kàaramɛ. N yã kɛ̀ wá gbèkammaa tↄ̃kɛ̃̀mɛ, n nanaa kɛ̀ kína ò ↄ̀dↄawe.