1O RAJ phenďa le Mojžišoske the le Aronoske:
2“O Izraeliti mi ačhaven taboris dojekh paš peskeri zastava a paš peskera fajtakero znakos. Kerena taboris dureder le Sentne Stanostar pal savore seri.
3Pre vichodno sera le Sentne Stanostar o kmeňos Juda the o fajti, so lenca phirenas, kerena taboris paš peskeri zastava. O Nachšon, le Amminadaboskero čhavo, ela vodcas andro kmeňos Juda.
4Andre leskeri partija ena 74 600 murša, save šaj džan andro mariben.
5Paš lende kerela taboris le Jissacharoskero kmeňos a leskero vodcas ela o Netaneel, le Cuaroskero čhavo.
6Andre leskeri partija ena 54 400 murša.
7O vodcas andre Zebulunoskero kmeňos ela o Eliab, le Chelonoskero čhavo.
8Andre leskeri partija ena 57 400 murša.
9Savore murša andral o taboris Juda, save šaj gele andro mariben, sas 186 400. On džana ešebne (perše) pro drom.
10Pre južno sera le Sentne Stanostar o kmeňos Ruben the o fajti, so lenca phirenas, kerena taboris paš peskeri zastava. O Elicur, le Šedeuroskero čhavo, ela vodcas andro kmeňos Ruben.
11Andre leskeri partija ena 46 500 murša.
12Paš lende kerela taboris le Šimeonoskero kmeňos. Lengero vodcas ela o Šelumiel, le Curišaddajoskero čhavo.
13Andre leskeri partija ena 59 300 murša.
14Paš lende ela o kmeňos Gad. Lengero vodcas ela o Eljasaf, le Reueloskero čhavo.
15Andre leskeri partija ena 46 650 murša.
16Savore murša andral o taboris Ruben, save šaj gele andro mariben, sas 151 450 murša. On džana dujte pro drom.
17Pal o ešebno the dujto taboris džalas o taboris Levi le Sentne Stanoha a pal lende džanas okla duj tabora. Avke sar ačhavena o stani andro taboris, avke the džana, dojekh pre peskero than a pal peskeri zastava.
18Pre zapadno sera le Sentne Stanostar o kmeňos Efrajim the o fajti, so lenca phirenas, kerena taboris paš peskeri zastava. O Elišamas, le Ammichudoskero čhavo, ela vodcas andro kmeňos Efrajim.
19Andre leskeri partija ena 40 500 murša.
20Paš leste kerela taboris o kmeňos Menašše. Lengero vodcas ela o Gamaliel, le Pedacuroskero čhavo.
21Andre leskeri partija ena 32 200 murša.
22Paš lende ela o kmeňos Benjamin. Lengero vodcas ela o Abidan, le Gideoniskero čhavo.
23Andre leskeri partija ena 35 400 murša.
24Savore murša andral o taboris Efrajim, save šaj gele andro mariben, sas 108 100 murša. On džana trite pro drom.
25Pre severno sera le Sentne Stanostar o kmeňos Dan the o fajti, so lenca phirenas, kerena taboris paš peskeri zastava. O Achiezer, le Ammišaddajoskero čhavo, ela vodcas andro kmeňos Dan.
26Andre leskeri partija ena 62 700 murša.
27Paš leste kerela taboris o kmeňos Ašer. Lengero vodcas ela o Pagiel, le Ochranoskero čhavo.
28Andre leskeri partija ena 41 500 murša.
29Paš lende kerela taboris o kmeňos Naftali. Lengero vodcas ela o Achiras, le Enanoskero čhavo.
30Andre leskeri partija ena 53 400 murša.
31Savore murša andral o taboris Dan, save šaj gele andro mariben, sas 157 600 murša. On džana posledna pro drom pal peskere zastavi.
32Kala hine o Izraeliti zgende pal peskere fameliji. Savore murša andro tabora savore partijenca sas jekhetane 603 550 murša.
33Ale o kmeňos Levi na sas pisimen andre okle kmeňenca, avke sar o RAJ phenďa le Mojžišoske.”
34O Izraeliti kerde sa avke, sar o RAJ prikazinďa le Mojžišoske. Kavke ačhavenas o stani paš peskere zastavi a avke džanas pro drom pal peskere kmeňi the fameliji.
