Text copied!
CopyCompare
Baibal Olcim - Lampah

Lampah 2

Help us?
Click on verse(s) to share them!
1BOEIPA loh Moses neh Aaron te a voek tih,
2“Hlang he a napa imko kah miknoek neh a hnitai hmuiah rhaeh uh saeh. Israel ca rhoek te tingtunnah dap taengah a hla la pin rhaeh uh saeh.
3Khothoeng khocuk la Judah lambong kah hnitai te amah kah caempuei neh rhaeh saeh. Te vaengah Amminadab capa Nahshon te Judah koca rhoek kah khoboei saeh.
4A caempuei khaw thawng sawmrhih thawng li neh ya rhuk la a soep.
5A hmatoeng ah aka rhaeh Issakhar koca neh Issakhar ca rhoek kah khoboei tah Zuar capa Nethanel saeh.
6A caempuei khaw thawng sawmnga thawng li neh ya li la a soep uh.
7Zebulun koca neh Zebulun ca rhoek kah khoboei tah Helon capa Eliab saeh.
8A caempuei khaw thawng sawmnga thawng rhih neh ya li la a soep uh.
9Judah rhaehhmuen kah boeih te thawng yakhat neh thawng sawmrhet neh thawng rhuk ya li la soep uh. Amih kah caempuei te a pacuek cet saeh.
10Reuben rhaehhmuen kah hnitai tah tuithim ah amah caempuei neh om tih Shedeur capa Elizur te Reuben koca kah khoboei saeh.
11A caempuei neh anih te thawng sawmli thawng rhuk neh ya nga la soep uh.
12A hmatoeng ah aka rhaeh Simeon koca neh Simeon ca rhoek kah khoboei tah Zurishaddai capa Shelumiel saeh.
13A caempuei neh amih te thawng sawmnga thawng ko neh ya thum la a soep uh.
14Gad koca neh Gad ca rhoek kah khoboei tah Reuel capa Eliasaph saeh.
15A caempuei neh amih te thawng sawmli thawng nga neh ya rhuk sawmnga la a soep uh.
16Reuben rhaehhmuen kah boeih te thawng yakhat neh thawng sawmnga thawng khat neh ya li sawmnga la a soep uh. Amih kah caempuei te a pabae ah cet saeh.
17Te vaengah Levi rhaehhmuen kah tingtunnah dap lambong laklung ah cet saeh. A rhaeh uh vanbangla hlang he amah hnitai hmuikah amah kah hmuen ah cet tangloeng saeh.
18Ephraim caem kah hnitai a caempuei neh khotlak ah om saeh lamtah Ephraim ca rhoek kah khoboei tah Ammihud capa Elishama saeh.

19A caempuei neh amih te thawng sawmli neh ya nga lo.
20A hmatoeng te Manasseh koca saeh lamtah Manasseh ca rhoek kah khoboei tah Pedahzur capa Gamaliel saeh.
21A caempuei neh amih te thawng sawmthum thawng hnih ya hnih la a soep uh.
22Benjamin koca neh Benjamin ca rhoek kah khoboei tah Gideoni tah capa Abidan saeh.
23A caempuei neh amih te thawng sawmthum tah thawng nga neh ya li la a soep uh.
24Ephraim caem te thawng yakhat phoeiah thawng rhet neh ya khat la boeih soep uh tih amih kah caempuei te a pathum ah cet saeh.
25Dan caem kah hnitai tah a caempuei neh tlangpuei ah om saeh lamtah Dan ca rhoek kah khoboei tah Ammishaddai capa Ahiezer saeh.
26A caempuei neh amih te thawng sawmrhuk thawng hnih neh ya rhih a soep uh.
27A hmatoeng kah aka rhaeh Asher koca neh Asher ca rhoek kah khoboei tah Okran capa Pagiel saeh.
28A caempuei neh amih te thawng sawmli thawng khat ya nga a soep.
29Naphtali koca neh Naphtali ca rhoek kah khoboei tah Enan capa Ahira saeh.
30A caempuei neh amih te thawng sawmnga thawng thum neh ya li a soep uh.
31Dan caem khuikah boeih he thawng yakhat neh thawng sawmnga thawng rhih ya rhuk la a soep uh tih a hnukkhoem la a hnitai neh cet uh saeh.
32Israel ca rhoek te a napa rhoek imkhui neh a soep tih a caempuei lamloh a caem te boeih a soep vaengah thawng ya rhuk neh thawng thum ya nga sawmnga lo,” a ti nah.
33Tedae Levi rhoek tah BOEIPA loh Moses a uen vanbangla Israel ca khui ah soep uh thil pawh.
34BOEIPA loh Moses a uen bangla a cungkuem te Israel ca rhoek loh a saii uh. A hnitai hmuiah rhaeh uh tih hlang he amah koca ah a napa imkhui neh cet uh.