1ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤕᤖᤢᤛᤗᤧᤔ ᤔᤧᤒᤣᤖ ᤔᤧᤒᤳᤇᤧᤸᤗᤧ ᤕᤖᤢᤛᤗᤧᤔ ᤏᤡ᤺ᤳᤋᤠᤱᤒᤠ ᤈᤤᤋᤢᤏ ᤁᤥ᤺ᤰᤔᤠᤸᤗᤧ ᤁᤢᤒᤣᤛᤠᤱᤒᤠ ᤒᤧᤌᤑᤠᤃᤣ ᤏᤢ ᤒᤧᤌᤠᤏᤡ ᤔᤧᤵᤔᤏᤠᤒᤠ ᤐᤠᤱᤈᤢᤶ ᤏᤡ᤺ᤳᤋᤠᤱ ᤔᤧᤃᤧᤖᤧ. ᤜᤧᤰᤁᤩᤠᤱ ᤕᤧᤛᤢᤖᤧ ᤏᤧᤵᤑᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡᤖ ᤐᤠᤱᤄᤢᤛᤡ.
2“ᤂᤡᤴᤇᤡ᤹ ᤋᤃᤠᤱᤒᤠ ᤐᤠᤱᤓᤣ᤹ᤀᤥ ᤐᤣᤛᤧ᤹॥ ᤂᤧᤵᤔᤥ ᤁᤧᤗᤠ᤺ᤳᤇᤡᤸᤗᤧᤛᤠ ᤀᤠᤵᤑᤠᤸᤗᤧᤀᤠᤱ ᤔᤧᤴᤕᤢᤰᤁᤣ ᤁᤧᤘᤠ᤹ᤒᤠ ᤀᤍᤱᤛᤠᤎᤡᤰ ᤀᤡᤔᤧᤄᤣ᤺ᤰᤂᤢᤀᤠᤱ ᤕᤧᤵᤐᤠ ᤁᤧᤍᤢᤶᤛᤢ᤹॥ ᤂᤧᤴ ᤗᤧᤖᤧᤳᤇᤧ᤹ᤀᤠᤱ ᤁᤳᤏᤠ ᤑᤧᤳᤋᤧᤳᤇᤧ᤹॥
3ᤔᤏᤠᤜᤠ᤹ᤖᤧ ᤌᤣᤀᤠᤱ ᤁᤴ ᤀᤍᤱᤛᤠ᤺ᤴ ᤁᤧᤗᤧᤳᤇᤢᤒᤠᤒᤣ ᤑᤠ᤹ᤀᤠᤱ ᤛᤣ᤺ᤴᤃᤧᤶᤗᤠᤵᤛᤡᤏᤧ ᤑᤠ᤹ᤃᤪ ᤁᤴ ᤀᤠᤏᤡᤃᤧ ᤍᤠᤱᤒᤠᤴ ᤆᤠᤜᤠᤒᤠ ᤆᤥᤃᤧᤀᤠᤱ ᤘᤠ᤹ ᤜᤧᤰᤁᤩᤠᤱ ᤜᤠᤖᤠᤀᤣ ᤂᤢᤏᤧ᤹ ᤕᤠᤱᤏᤠ ᤏᤢ᤺ᤰᤋᤢ᤹ᤖᤥ ᤔᤧᤳᤋᤧᤇᤧ᤹ᤀᤥ॥”
4ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤣᤛᤡᤸᤗᤧ ᤛᤧᤰᤂᤠᤀᤣ ᤗᤳᤇᤠ ᤜᤡᤶᤒᤣᤛᤠᤱ ᤀᤍᤱᤛᤠ᤺ᤴ ᤀᤡᤔᤧᤄᤣ᤺ᤰᤂᤢᤀᤠᤱ ᤗᤠᤶᤔᤥ ᤕᤧᤒᤧᤒᤠ ᤏᤡ᤺ᤛᤧᤳᤇᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤗᤧᤖᤧᤳᤇᤢᤖ ᤐᤳᤇᤧᤳᤇᤡᤸᤗᤧ
5ᤂᤧᤵᤔᤥ ᤁᤧᤕᤧᤵᤐᤠ ᤁᤢᤓᤠ ᤔᤏᤠᤜᤠ᤹ᤖᤧ ᤛᤣ᤺ᤴᤔᤧᤍᤥᤛᤢᤛᤡ. “ᤁᤴ ᤀᤍᤱᤛᤠ᤺ᤴ ᤌᤣᤀᤠᤱ ᤁᤧᤗᤧᤳᤇᤢᤒᤠᤒᤣ᥅”
6ᤂᤧᤱᤜᤠ᤹ᤖᤧ ᤕᤧᤛᤢᤖᤧ ᤔᤧᤳᤋᤢᤛᤡᤒᤠ ᤜᤧᤰᤁᤣᤀᤣ ᤏᤥᤃᤵ ᤐᤡᤖᤧᤳᤇᤢᤀᤠᤱ ᤂᤧᤴ ᤔᤏᤠᤜᤠ᤹ᤖᤧ ᤐᤣ᤺ᤰᤔᤠ ᤔᤧᤒᤠᤱᤄᤢᤛᤡᤖᤥ॥
7ᤂᤧᤱᤜᤠ᤹ᤖᤧ ᤂᤧᤴ ᤀᤍᤱᤛᤠ᤺ᤴ ᤕᤧᤛᤢᤖᤥ ᤋᤠᤖᤧᤳᤇᤢᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤋᤣ᤺ᤳᤜᤠ᤹ ᤂᤧᤴ ᤀᤍᤱᤛᤠ᤺ᤸᤗᤧ ᤁᤢᤀᤣ᤺ᤰᤁᤥ ᤔᤧᤏᤧᤛ᤻ᤛᤢ. ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤕᤢᤰᤋᤢ॥
8ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤣ᤺ᤳᤜᤠ᤹ ᤗᤠᤶᤔᤥ ᤔᤧᤓᤧᤛᤢ॥ ᤁᤢᤓᤠᤖᤧᤃ ᤂᤧᤴ ᤂᤡᤖᤡᤗᤠᤶ ᤁᤢᤓᤧᤰᤘᤠᤏᤢᤒᤠ ᤛᤡᤱ ᤐᤥᤖᤠ᤺ᤰᤜᤠ᤹ ᤔᤧᤈᤧᤵᤋᤢᤀᤠᤱ ᤗᤠᤶᤔᤥ ᤔᤧᤓᤧᤛᤢᤖ ᤂᤢᤏᤧ᤹ ᤗᤠᤱᤍᤠ᤺ᤰᤔᤠ ᤔᤧᤒᤡᤖᤢᤖᤥ॥
9ᤂᤢᤏᤧ᤹ ᤁᤢᤍᤃᤡ ᤏᤢ ᤁᤢᤀᤣᤃᤠᤱ ᤁᤧᤒᤵᤐᤠ ᤕᤖᤡᤰ ᤔᤏᤠᤜᤠ᤹ᤖᤧ ᤔᤧᤀ᤺ᤰᤋᤧᤖ ᤀᤰᤂᤣ ᤔᤧᤒᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥ᤺ᤖᤖᤥ᥄ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤁᤧᤍᤠ᤺ᤒᤠᤴ ᤔᤢ᤹ᤀᤡᤛᤠᤒᤠ ᤐᤥ᤺ᤱᤗᤖᤥ॥
10ᤀᤠᤏᤡ᤹ ᤌᤠ᤺ᤰᤌᤧᤒᤠ ᤍᤠᤀᤢᤍ ᤜᤠᤱᤅᤡᤸᤗᤧᤴ ᤁᤧᤍᤠ᤺ᤒᤠ ᤜᤠᤱᤈᤢᤶᤔᤡᤴ ᤔᤢ᤹ᤀᤡᤛᤠᤶᤔᤡᤸᤗᤧ ᤁᤢᤎᤡᤶ ᤐᤥ᤺ᤱᤗᤖᤥ᥄ ᤛᤠᤱᤃᤪᤠᤶᤐᤣᤍᤠᤱᤅᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤐᤥ᤺ᤖᤖᤥ᥄”
11ᤜᤧᤰᤁᤣᤗ᤹ᤖᤡᤰ ᤕᤧᤛᤢ᤺ᤴ ᤕᤖᤢᤛᤗᤧᤶᤔᤥ ᤐᤣᤀᤠᤱ ᤔᤠᤱᤜᤡᤶᤔᤥ ᤗᤠ᤺ᤛᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤵᤔᤥ ᤂᤡᤖᤡ ᤋᤠᤰᤁᤴᤍᤧᤖ ᤁᤧᤖᤧᤰ ᤀᤥᤔᤧᤳᤋᤢᤛᤡ. ᤁᤖ ᤏᤠᤶᤎᤧ ᤐᤣᤀᤠᤱ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤕᤠᤶᤔᤥ ᤌᤡᤰ-ᤏᤧᤳ (᥇᥈) ᤁᤢᤜᤢ᤹ᤛᤠᤶᤒᤠᤜᤠ᤹ᤏᤢ ᤒᤧᤌᤠᤏᤡ ᤐᤠᤱᤈᤢᤶᤔᤥ ᤏᤢ᤺ᤰᤂᤧ ᤐᤣᤖᤥ॥
12ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤋᤠᤏᤠᤶᤛᤠ ᤒᤧᤌᤠᤏᤡᤗᤠᤶ ᤕᤖᤢᤛᤗᤧᤔ ᤔᤧᤒᤣᤖ ᤔᤧᤒᤳᤇᤧᤸᤗᤧ ᤕᤧᤛᤢᤖᤧ ᤁᤢᤛᤧᤳᤗᤠ᤺ᤰᤋᤧ॥
13ᤔᤠ᤺ᤱᤄᤠᤗᤠᤶ ᤐ᤺ᤳᤇᤣ᤹ᤒᤢᤱᤔᤠᤴ ᤛᤖᤡᤳ ᤕᤠᤖᤡᤰ ᤏᤡ᤺ᤛᤢᤀᤠᤱ ᤁᤢᤈᤠ᤹ ᤌᤥ᤺ᤰᤋᤧᤀᤠᤱ ᤐᤳᤐᤡ ᤑᤠ᤹ᤀᤠᤱ ᤂᤧᤵᤔᤥ ᤐᤣᤀᤠᤱ ᤀᤥᤔᤧᤳᤋᤢᤸᤗᤧ ᤁᤢᤓᤧᤰᤘᤠᤖᤰ ᤐᤳᤇᤧ ᤁᤖ ᤁᤢᤈᤠ᤹ ᤔᤧᤒᤳᤇᤧᤴ. ᤌᤣᤀᤠᤱᤓᤧᤸᤗᤧ ᤐ᤺ᤳᤇᤣ᤹ ᤌᤥ᤺ᤰᤔᤠ ᤕᤧᤶ ᤔᤧᤴᤍᤠᤀᤣ ᤘᤕᤧ॥
14ᤕᤧᤛᤢᤖᤧ ᤂᤧᤴ ᤐ᤺ᤳᤇᤣ᤹ᤒᤢᤱᤔᤠᤴ ᤔᤧᤳᤋᤢ. “ᤀᤠᤸᤗᤀᤠᤱᤎᤥ ᤀᤠᤵᤑᤠᤸᤗᤧᤀᤠᤱ ᤁᤧᤈᤠ᤹ ᤔᤧᤎᤥ᤺ᤰᤏᤧᤴᤗᤖᤥ॥” ᤁᤴ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧᤀᤠᤱ ᤔᤧᤄᤧᤵᤛᤢ॥
15ᤜᤧᤰᤁᤩᤠᤱ ᤕᤖᤢᤛᤗᤧᤔ ᤔᤧᤃᤧᤖᤧᤀᤠᤱ ᤕᤧᤛᤢ᤺ᤴ ᤔᤠᤱᤜᤡᤶᤔᤥ ᤐᤣ. ᤜᤧᤰᤁᤩᤠᤱ ᤂᤧᤵᤔᤥ ᤆᤡᤃ᤺ᤰᤘᤠ ᤁᤧᤛᤱᤒᤠ ᤁᤧᤀᤡᤱᤒᤠᤜᤠ᤹ ᤏᤠ᤺ᤵᤔᤠ ᤗ᤺ᤵᤔᤠ ᤜᤣ᤺ᤰᤋᤢᤛᤡ॥ ᤕᤠᤱ ᤁᤧᤗᤧᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤠᤱᤗᤧᤰᤔᤠ ᤛᤠᤵᤏᤧᤳᤋᤡᤴ ᤏᤢ ᤐᤢᤳᤋᤢ᤺ᤰᤁᤣ ᤁᤧᤛᤱᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤏᤠ᤺ᤴ ᤗᤧᤰᤂᤢᤒᤡᤖᤢᤛᤡᤖᤥ॥
16ᤜᤧᤰᤁᤩᤠᤱ ᤁᤴ ᤔᤠᤱᤜᤡᤶ ᤗᤰᤂᤢᤶᤔᤥ ᤗᤠᤱᤄᤣ᤺ᤰᤔᤠᤖ ᤆᤡᤃ᤺ᤰᤘᤠ ᤋᤣ᤹ᤔᤠ ᤋᤠ᤺ᤵᤔᤠ ᤛᤠᤰᤋᤢᤛᤡᤖᤥ॥
17ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤀᤡᤱᤃᤠ᤹ ᤀᤠᤜᤡᤶᤔᤡᤱᤃ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧᤴ ᤋᤢᤘᤠ ᤆᤥ᤺ᤰᤔᤠ ᤜᤡᤶ ᤐᤥ᤺ᤱ.’ ᤁᤖ ᤂᤡᤏᤡ᤹ᤃ ᤑᤠ᤺ᤴᤍᤠᤜᤠ᤹ ᤆᤡᤱᤛᤡᤱᤔᤠ ᤋᤧᤴ ᤁᤧᤈᤥᤃᤢᤶᤔᤠᤱ ᤁᤧᤘᤕᤡ᤹ᤖᤥ॥”
18ᤂᤧᤵᤔᤥ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ᤖᤧ ᤁᤴ ᤔᤧᤄᤧᤵᤛᤢᤀᤠᤱ ᤕᤧᤛᤢ᤺ᤴ ᤀᤠᤰᤂᤣᤗ᤹ᤖᤡᤰ ᤛᤧᤵᤔᤠᤒᤣ ᤑᤠ᤹ᤀᤠᤱ ᤗᤠᤶ ᤁᤥ᤺ᤵᤔᤠ ᤔᤧᤜᤣ᤺ᤰᤋᤢ॥ ᤁᤖ ᤂᤧᤱᤜᤠ᤹ ᤔᤧᤃᤡᤛᤧ. ᤌᤣᤀᤠᤱᤓᤧᤸᤗᤧ ᤁᤢᤏᤡᤛᤠᤶᤔᤡᤴ ᤔᤧᤄᤧᤵᤛᤢᤸᤗᤧ ᤁᤧᤖᤧᤰ ᤔᤏᤠᤜᤠ᤹ᤖᤧ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤘᤕᤧᤖᤥ॥
19ᤜᤧᤰᤁᤩᤠᤱ ᤏᤠᤶᤎᤧᤀᤠᤱ ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤕᤖᤢᤛᤗᤧᤶᤗᤠᤶ ᤔᤧᤗ᤺ᤴᤍᤧ ᤔᤧᤒᤣᤖᤥ॥
20ᤁᤢᤏᤠᤶᤍᤠ᤺ᤵᤔᤠ ᤂᤧᤴ ᤗᤠᤶᤔᤥ ᤔᤧᤒᤣ᤺ᤸᤗᤧ ᤔᤡ᤺ᤵᤔᤠᤒᤠ ᤐ᤺ᤳᤇᤣ᤹ᤒᤢᤱᤔᤠᤴ ᤁᤢᤒᤢᤱᤔᤥᤏᤢᤀᤣ ᤜᤣᤖᤧᤀᤠᤱ ᤛᤩᤧᤒᤠ ᤔᤧᤏᤡ᤺ᤛᤢᤖᤥ॥
21ᤕᤧᤛᤢᤖᤧ ᤐᤠ᤺ᤳᤋᤢᤒᤠᤴ ᤐᤋᤪᤢᤛᤖᤧ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤂᤢᤏᤧ᤹ ᤔᤧᤳᤋᤢ. “ᤛᤡᤰᤛᤠᤶᤒᤣ. ᤀᤥᤔᤧᤳᤋᤧ᤹᥄ ᤂᤧᤴ ᤛᤠᤱᤃᤪᤠ ᤁᤧᤔᤧᤳᤋᤢᤒᤠ ᤐ᤺ᤳᤇᤣ᤹ᤒᤢᤱᤔᤠᤱᤃ ᤀᤡᤗᤧᤔᤧᤀᤠᤱ ᤛᤩᤧᤖᤥ॥”
22ᤕᤧᤛᤢᤖᤧ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤧᤶᤔᤧ᤹᥄ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤜᤠ᤺ᤳᤗᤧ ᤏᤡᤱᤘᤠ᤹ᤀᤥ ᤆᤵᤆᤡ ᤔᤧᤴᤈᤥ᤺ᤰᤁᤣ. ᤁᤴ ᤁᤥ᤺ᤰᤔᤠᤴ ᤜᤠ᤹ᤕᤠᤰ ᤀᤠᤃᤧ᤹ᤀᤠᤱ ᤘᤠᤜᤱᤅᤥ ᤗᤠᤵᤑᤢᤛᤡᤱᤅᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ᤀᤥ ᤏᤛᤠ᤺ᤴ ᤆᤥᤃᤢᤀᤠᤱ ᤐᤠ᤺ᤳᤋᤢ᤹. ᤂᤧᤱᤃ ᤁᤢᤗᤠᤃᤡ ᤐᤥ᤺ᤱᤅᤣᤖᤥ॥
24ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤘᤠ ᤁᤧᤈᤥᤃᤢᤶᤔᤡᤸᤗᤧ ᤁᤧᤏᤠ᤺ᤰᤋᤢᤶᤒᤠ ᤐᤠ᤺ᤴᤏᤡᤴ ᤂᤥ᤺ᤛᤢᤶᤒᤧ᤹ ᤑᤠ᤹ᤀᤠᤱ ᤏᤛᤠ᤺ᤴ ᤆᤥᤃᤧᤶᤔᤧ᤹. ᤜᤧᤰᤁᤩᤠᤱ ᤂᤧᤴ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤄᤥ᤺ᤛᤢᤶᤗᤥ॥
25ᤜᤧᤰᤁᤩᤠᤱ ᤂᤡᤏᤡ᤹ ᤋᤢᤘᤠ ᤁᤧᤈᤥᤃᤢᤶᤔᤡᤸᤗᤧ ᤀᤠᤳᤋᤡᤴ ᤔᤏᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤂᤡᤏᤡ᤹ ᤏᤡᤱᤘᤠ᤹ ᤋᤢᤃᤧᤀᤠᤱ ᤘᤠ᤹. ᤂᤧᤴᤏᤡᤴ ᤗᤧᤵᤔᤡ ᤐᤡᤖᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤠᤱ ᤂᤡᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤁᤧᤒᤡᤖᤡ᤹ᤖᤥ॥ ((ᤁᤖ ᤂᤡᤏᤡ᤹ ᤗᤧᤵᤔᤡ ᤁᤧᤶᤒᤡᤖᤢᤶᤔᤡᤴᤏᤧ ᤑᤠ᤹ᤃᤪ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤀᤠᤱ ᤂᤡᤏᤡ᤹ ᤗᤠᤕᤥ᤺ᤴ ᤗᤧᤵᤔᤡ ᤁᤧᤶᤒᤡᤖᤡᤴᤗᤥ॥))”
27ᤂᤧᤱᤜᤠ᤹ ᤕᤠᤶᤔᤥ ᤕᤖᤢᤛᤗᤧᤶᤔᤥ ᤔᤧᤍᤩᤧ॥ ᤕᤧᤛᤢ᤺ᤴ ᤔᤠᤱᤜᤡᤶ ᤗᤰᤂᤢᤶᤔᤥ ᤋᤠᤰᤁᤴᤏᤢ ᤘᤕᤧᤸᤗᤧ ᤂᤧᤵᤔᤥ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤔᤧᤍᤩᤧᤀᤠᤱ
28ᤛᤣ᤺ᤴᤔᤧᤍᤥᤛᤢ. “ᤂᤧᤏᤧ᤹ ᤌᤧᤔᤠ ᤕᤢᤰᤁᤡᤸᤗᤧ ᤀᤰᤋᤱᤒᤠ ᤕᤠ᤺ᤶᤒᤰᤜᤠ᤹ ᤁᤧᤈᤥᤃᤢᤖ ᤁᤧᤘᤠ᤹᥅ ᤁᤴ ᤕᤢᤰᤁᤡᤴ ᤜᤠ᤺ᤳᤗᤧ ᤁᤧᤒᤡᤖᤧ᥅”
29ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ᤀᤠᤱ ᤗᤳᤇᤠ ᤛᤣ᤺ᤴᤗᤠᤵᤌᤡᤰ ᤛᤣ᤺ᤴᤍᤥ᤺ᤏᤡᤱᤗᤥ॥ ᤕᤠᤵᤔᤡ ᤏᤥᤃᤵ ᤀᤠᤒᤡᤖᤧᤶᤔᤧ᤹ᤀᤥ. ᤜᤧᤰᤁᤩᤠᤱᤗᤰ ᤌᤧᤔᤠ ᤕᤢᤰᤁᤡᤸᤗᤧ ᤀᤡᤱᤃᤠ᤹ ᤕᤠ᤺ᤶᤒᤰ ᤆᤥᤃᤢᤱ. ᤂᤡᤏᤡ᤹ ᤔᤧᤳᤏᤡᤱᤗᤥ॥
30ᤕᤢᤜᤢᤴᤏᤠᤖᤧ ᤒᤵᤋᤡᤛ᤻ᤔᤠ ᤐᤡᤔᤠ ᤁᤢᤕᤢᤰᤁᤡᤴ ᤀᤠᤳᤋᤥᤗᤠᤶ ᤋᤩᤧᤒᤠᤒᤣ᥅ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤋᤩᤧᤒᤠᤒᤡ. ᤀᤡ ᤔᤏᤠᤗᤠᤶᤒᤡ᥅ ᤕᤠᤵᤔᤡ ᤀᤠᤔᤧᤳᤋᤧᤶᤔᤧ᤹᥄”
31ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤐᤠ᤺ᤴ ᤔᤧᤎᤰᤋᤧᤖ ᤀᤰᤂᤣ ᤔᤧᤔᤧᤳᤇᤡᤱ. “ᤀᤠᤸᤗ ᤀᤠᤏᤡ᤹ ‘ᤏᤡᤱᤘᤠ᤹ᤑᤢᤔᤠᤱᤗᤠᤶ’ ᤀᤠᤔᤧᤳᤋᤢᤶᤏᤧ ᤑᤠ᤹ᤃᤪ. ᤌᤣᤀᤠᤱ ᤏᤛᤠ᤺ᤴ ᤁᤧᤴᤈᤥᤃᤢᤶᤔᤡᤴ ᤑᤠ᤹ᤀᤠᤱ ᤛᤣ᤺ᤴᤀᤠᤗᤠᤵ॥
32ᤁᤖ ‘ᤔᤏᤠᤜᤠ᤹ᤗᤠᤶᤗᤥ’ ᤀᤠᤔᤧᤳᤋᤢᤶᤏᤧ ᤑᤠ᤹ᤃᤪ. ᤔᤏᤠᤜᤠ᤹ ᤀᤠᤏᤡ᤹ ᤋᤰᤗᤧᤱᤘᤠᤀᤥ ᤔᤧᤒᤥ᤺ᤰ. ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤕᤢᤜᤢᤴᤏᤠ᤺ᤴ ᤛᤧᤰᤂᤠᤀᤣ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤀᤠᤱ ᤔᤧᤘᤠ᤹॥”
33ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤔᤧᤔᤧᤳᤋᤢ. “ᤀᤠᤏᤡᤃᤧ ᤔᤧᤏᤡ᤺ᤛᤢᤶᤒᤧᤴᤗᤥ॥” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤜᤧᤰᤁᤣᤏᤧ ᤑᤠ᤹ᤃᤪ ᤌᤧᤔᤠ ᤕᤢᤰᤁᤡᤸᤗᤧ ᤀᤰᤋᤱᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤱ ᤂᤧᤴ ᤀᤡᤱᤃᤠ᤹ᤀᤠᤱ ᤔᤧᤔᤧᤳᤏᤡᤱᤅᤡᤴᤗᤥ॥”
