تَالِيٍ 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹ﭑ مَ دِ، عِ نَشَ نّيمُ ﭑ مَ مَرَ سِيٍ مَ، عِ بْحّ شَ ﭑ مَ سّرِيّ رَبَتُ،

²بَرِ مَ عٍ قَمَ عِ شَ سِمَيَ شْن نَكُيَدٍ بْحّسَ كُي.

³عِ نَشَ دُفُتّفّحَ نُن نْندِ رَبّحِن، عِ شَ عٍ شِرِ عِ كْن مَ، عِ شَ عٍ سّبّ عِ سٌندٌنيِ مَ.

⁴عِ قَمَ هِننّ نُن شَشِلِ قَنيِ سْتْدٍ نَ كِ نّ، عَلَ نُن عَدَ مَدِيٍ يَ عِ.

⁵عِ يّتّ تَشُ عَلَتَلَ رَ عِ بْحّ بِرِن نَ، عِ نَشَ لَ عِ يّتّ رَ.

⁶عِ شَ عَلَ كٌلٌن عِ شَ كِرَ بِرِن شْن، عَ تَن نَن قَمَ حّرّ كِ قَنيِ مَسٍندٍ عِ بّ.

⁷عِ نَشَ عِ شَشِلِ تِ عِ يّتّ رَ، عِ شَ فَاشُ عَلَتَلَ يَ رَ، عِ شَ فبِلٍن قٍ حَاشِ قْشْ رَ.

⁸نَ قِندِ مَ يَلَنيِ نَن نَ عِ قَتٍ بّ، عَ سّنبّ قِ عِ شْرِيٍ مَ.

⁹عَلَتَلَ بِنيَ عِ هَرِفٍ رَ، عِ شَ دَشَمُي سِنفٍ قِ عَ مَ.

¹⁰نَ نَن عَ نِيَمَ بَلٌي نُن مِنسٍ فبٌ عِ يِ رَ، عِ شَ سَفَيٍ بِرِن نَقٍ.

¹¹ﭑ مَ دِ، عِ نَشَ تٌندِ عَلَتَلَ شَ مَتِنشِنيِ رَ، عِ شَ عَ شَ مَرَ سِيٍ سُشُ،

¹²بَرِ مَ عَلَتَلَ مَرَ سِ قِمَ نّ عَ شَنُنتٍنيِيٍ مَ، عَلْ بَبَيٍ عٍ شَ دِ مَتِنشِنمَ مَرَقَنيِ كُي كِ نَشّ.

¹³سّيوّ نَ مِشِ بّ نَشَن شَشِلِمَيَ سْتْشِ، سّيوّ نَ عَدَ مَ بّ نَشَن قَهَامُي سْتْ.

¹⁴شَشِلِمَيَ شَ فٍينِ فبٌ فبٍتِ بّ، عَ تِدٍ دَنفِ شّيمَ رَ.

¹⁵عَ قَن فّمّ تٌقَنيِ بّ، عَ تِدٍ دَنفِ عِ وَشْنسٍ بِرِن نَ.

¹⁶شَشِلِمَيَ قِندِ مَ سِمَيَ شْنكُيٍ نَن نَ، عَ قِندِ بَننَيَ نُن شُننَكٍلِ رَ.

¹⁷شَشِلِمَيَ كِرَ قَن، عَ بْحّسَ قِمَ عَدَ مَدِيٍ مَ.

¹⁸عَ قِندِشِ سِمَيَ وُرِ نَن نَ عَ سُشُمَيٍ بّ. مِشِ نَشٍيٍ كَنكَنمَ لْننِ مَ، نٍيٍ سّيوَ مَ نّ.

¹⁹عَلَتَلَ بْشِ يَءِلَنشِ لْننِ نَن نَ، عَ كٌورٍ يَءِلَنشِ شَشِلِ قَنيِ نَن نَ.

²⁰عَ شَ لْننِ نَن يٍ رَ مِنِشِ بْشِ مَ، عَ شَ شَشِلِ قَنيِ نَن يٍ رَفَتَشِ نُشُييٍ كُي.

²¹ﭑ مَ دِ، سّرِيّ نُن نْندِ رَفَتَ عِ بْحّ كُي، عٍ نَشَ مَكُيَ عِ رَ.

²²عٍ سِمَيَ نُن هِننّ قِمَ نّ عِ مَ،

²³عِ شَ دُنِحّءِفِرِ سْونّيَمَ نّ، عِ مُ دِنكٌنمَ.

²⁴عِ نَ عِ سَ، عِ مُ فَاشُمَ، عِ شِمَ نّ عَ قَنيِ رَ.

²⁵عِ نَشَ فَاشُ فبَلٌي يَ رَ، عِ نَشَ فَاشُ مِشِ حَاشِيٍ شَ فٍرٍ يَ رَ،

²⁶بَرِ مَ عَلَتَلَ نَن نَ عِ شَ شَشِلِسَ رَ. عَ عِ رَتَنفَمَ نّ فَنتَنيِ بِرِن مَ.

²⁷عِ نَشَ تٌندِ مِشِ مَلِدٍ عِ نْمَ نَشَن نَ.

²⁸عِ نَشَ عَ قَلَ عِ بٌورٍ بّ، «سِفَ، تِنَ عِ قَ،» شَ عَ مَلِ شَ قّيرّ نَ عِ بّ تٌ.

²⁹عِ نَشَ عِ دّقَنبٌورٍ يَنقَ.

³⁰عِ نَشَ مِشِ تْوحّفّ، نَشَن مُ قٍ حَاشِ يٌ رَبَشِ عِ رَ.

³¹عِ نَشَ فٍرٍ سٌي تْونّ، عِ نَشَ بِرَ عَ حّرّ كِ قْشْ رَ.

³²عَلَتَلَ مِشِ حَاشِ شْنمَ، كْنْ تِنشِنتْي تَن نَقَن عَ مَ.

³³عَلَتَلَ مِشِ حَاشِ شَ بَنشِ دَنكَمَ نّ، كْنْ عَ بَرَكّ سَمَ نّ تِنشِنتْي سَبَتِدٍ مَ.

³⁴عَلَ يّتّ عِفبٌي عِفٌرٌ مَ نّ، كْنْ عَ هِننّمَ مِشِ مَفٌرٌشِ تَن نَ.

³⁵شَشِلِمَيٍ نْرْ مَ نّ، كْنْ شَشِلِتَرٍيٍ تَن يَافِ نَن سْتْمَ.