1Кіроўцу хору. Сыноў Карэевых Псальма.
2Пляскайце ў далоні, усе народы, клікніце Богу голасам радасьці;
3бо Гасподзь Усявышні грозны, - вялікі Цар над усёю зямлёю;
4скарыў нам народы і плямёны пад ногі нашыя;
5выбраў нам спадчыну нашу, красу Якава, якога палюбіў.
6Узышоў Бог пад воклічы, Гасподзь пад гукі трубныя.
7Сьпявайце Богу нашаму, сьпявайце; сьпявайце цару нашаму, сьпявайце;
8бо Бог - Цар усёй зямлі; сьпявайце ўсе разумна.
ПСАЛТЫР 46
ПСАЛТЫР 46:1-8