1In finem, pro filiis Core. Psalmus.
2Omnes gentes, plaudite manibus; jubilate Deo in voce exsultationis:
3quoniam Dominus excelsus, terribilis, rex magnus super omnem terram.
4Subjecit populos nobis, et gentes sub pedibus nostris.
5Elegit nobis hæreditatem suam; speciem Jacob quam dilexit.
6Ascendit Deus in jubilo, et Dominus in voce tubæ.
7Psallite Deo nostro, psallite; psallite regi nostro, psallite:
8quoniam rex omnis terræ Deus, psallite sapienter.