2Ɩ́ yoo tɑ́ kentilu Ɩsɔ kɛ́ yontu nɑ lɑŋhʋlʋmlɛ. Ɩ́ wiliti Yɑkɔpʋ Ɩsɔ kɛ́ lɑŋhʋlʋmlɛ kɑwilitɑɣɑ.
3Ɩ́ yoo-ɩ yontu nɑ ɑkilimɑnɑɑ nɑ cəməŋ nɑ sɑŋkʋnɑɑ.
4Ɩ́ hʋlɩ tutuuŋ kɛ ɩsɔtʋ kʋfɑlʋ ɑcimɑ kʋyɑkʋ wule, nɑ ɩ hʋləməŋ ɑcimɑ nyəŋkʋ wule.
5Mpi tɔ, pə kɛ́ Ɩsɛɣɛlɩ nyə́mɑ kɛ kiiu kɛ́. Mpi Yɑkɔpʋ Ɩsɔ sɩɩwɑ tɔɣɔlɛ.
6Nti ɩ tʋ Yosɛɛfʋ lʋlʋɣʋ nyə́mɑ kɛ wɑɑtʋ wei ɩ tii Icipiti nyə́mɑ tɔɔ tɔɣɔlɛ. Mɑ nɩɩwɑ nɔɣɔ ŋkɑ mɑ tɑ nyɩ tɔ sɩ:
7Mɑ tisɑ səɣəlɑ yuŋ nyənɑ kɛ nyɑ́ nyʋɣʋ tɑɑ nɑ mɑ́ sɩɩ, nɑ nyɑ́ niŋ yele tɔkʋ yuŋ nyəŋkʋ.
8Lɑŋwɑkəllɛ mɑɣɑnɑ-ŋ nɑ ń mɑ́ kɑpukɑ nɑ mɑ́ yɑ-ŋ, nɑ mɑ́ cɔ-ŋ tɛʋ holɑ tɑɑ. Nɑ mɑ mɑɣɑsɩ-ŋ sɩ mɑ nɑɑ nyɑ́ wɑɑləɣɩ Melipɑ lʋm cɔlɔ.
9Mɑ yəlɑɑ ɩ́ nɩɩ mɑ kʋkpɑɑlətʋ. Ye Ɩsɛɣɛlɩ yəlɑɑ kɑ nɩɩkɑɣɑnɑ-m,
10tʋɣʋ kʋlɑlɑɑʋ tɑɑ wɛɛ mə tɛ. Pəyele ɩ́ tɑɑ luŋ tʋɣʋ nɑkʋlɩ.
Yontu 81
Yontu 81:2-10