Sam 81:2-10

²Podalae nia sa kinera, kizai sari na belo, ivui sari na ivivu, na mikei sari na mike.

³Ivui sari na buki pa totoso tada sa sidara, meke pa totoso hobe rimata koasa rane inevaṉa.

⁴Na vinaturu tadi na tie Izireli si hie, meke na ginarunu tanisa Tamasa te Zekopi.

⁵Ponia Tamasa sa tinarae hie koari na tie Izireli totoso va kilasia Sa sa popoa Izipi. Avosia rau si keke mamalaiṉi sapu lopu bakala koa rau sapu zama guahe:

⁶“Va gore pani Rau sari na pinaleke pa avaramu, meke vata rupahi Rau sari na limamu koari na pinaleke patu mamatadi.

⁷Totoso koa tasuna si gamu, si hata Au gamu, ke harupu gamu Rau. Pa Qua vasina tomena pa korapa raneboṉi si olaṉa atu gamu Rau. Podeke gamu Rau si gamu pa Meriba, vasina loketoṉa kolo.

⁸Gamu na Qua tinoni, mi avoso mae ia sa Qua vina balau. Kei Izireli, okoro hola nigo rau pude va avoso mae Au.

⁹Mu lopu vahesia si keke tamasa votikaena pa korapa mia gamu.

¹⁰Arau se Zihova sa mia Tamasa, sapu turaṉa vura ni gamu pa popoa Izipi. Tukeli sari na ṉuzumia, meke kaqu poni gamu Rau.