Yontu 69:18-24

¹⁸Tɑɑ kisi nyənʋɣʋ nɑ nyɑ́ təmlɛ tʋ mɑ́ mɑ tɔɔ. Hɑɩ, cɔ-m lɔŋ, mɑ wɛ lɑŋwɑkəllɛ tɑɑ kɛ́.

¹⁹Kpətənɑ-m, wɑɑsɩ-m, yɑ-m mɑ kolontunɑɑ tɔɔ.

²⁰N nyəmɑ́ mɑ fɛɛlɛ nɑ ɩsənɑ pə pɑsɑ-m tɔ. N nɑɑkɩ mɑ kolontunɑɑ tənɑɣɑ.

²¹Kʋtʋɣʋ wɑkəlɑ mɑ lɑŋlɛ kɛ́ nɑ pə́ tʋ-m kʋtɔŋ. Mɑ tɑŋɑɑ sɩ pɑ́ nyənɩ mɑ pətɔɔtəlɛ yɑɑ pɑ́ puɣusi-m mɑ tɑ nɑ.

²²Pɑ sitiɣi sɔtʋ kɛ mɑ tɔɣɔnɑɣɑ tɑɑ. Nɑ pɑ́ hɑɑkɩ-m lʋm kʋnyəŋəm sɩ mɑ́ nyɔɔ nɑ mɑ lʋkɔtʋ sɩ́.

²³Pɑ ɑcimɑ nɑ pɑ kɔtɑsɩ tɔɣɔnɑɣɑ ɩ́ pəsɩ-wɛɣɛ kɑtɔkɑ ŋkɑ kɑɑ kpɑ-wɛ tɔ.

²⁴Pɑ ɩsɛntɔɔ ɩ́ nyɑlɑ təkpɑm nɑ pɑ́ tɑɑ tɑsɑ nɑʋ, pɑ sɑləməɣənɑ wɑhɑlɑ kɛ tɑm.