Yontu 56:5-9

⁵Mɑ sɑŋ Ɩsɔ kɛ́ ɩ tɔm kʋyɔɣɔtʋtʋ tɔɔ, nɑ mɑ tʋ-ɩ nɑɑni nɑ sɔɣɔntʋ fɛɩ. Pepeɣe yʋlʋ pəsəɣɩ nɑ ɩ́ lɑ-m?

⁶Pɑɑ kʋyɑkʋ ŋkuɣu pɑ tʋɣʋ-m kʋnyɔŋ, nɑ pɑ́ hʋʋkɩ mɑ tɔɔ kɛ́ ɩsɑɣɑtʋ.

⁷Pɑ lɑpɑ nɔɣɔ kʋlʋmɑɣɑ sɩ pɑ cɛŋəɣɩ-m nɑ pɑ́ nɑɑsəɣɩ-m nɑ pɑ́ huliɣi mɑ ɩkpɑtɛ kɛ pɑɑ timpi mɑ puki tɔ. Mpi tɔ, pɑ cɑɑ mɑ weesuɣu ləsʋɣʋ tɔ.

⁸Pɑ kɑɑ pəsɩ pɑ fitinɑ ɩsɑɣɑtʋ nti pɑ lɑkɩ tɔ. Hɑɩ, Ɩsɔ, pɛtɩ yəlɑɑ mpɛɣɛ ɑtɛ nɑ pɑ́ɑ́nɑ́.

⁹N tɛmɑ mɑ təkpɑɑlətʋ mpɑɑʋ kɛ cɛkənɑʋ suu mɑ ɩsəlʋm kɛ nyɑ́ tɔnʋɣʋ huluɣu tɑɑ. Nmɑɑ pə tɔm kɛ nyɑ́ tɑkəlɑɣɑ tɑɑ.