SALMOS 56:5-9

⁵Ajachica quipatlaj notlajtol huan san moilhuíaj quejatza huelis nechchihuilise tlen ax cuali.

⁶Mosentilíaj huan quisencahuaj tlachque nechchihuilise. Teipa motlatíaj ojteno huan nechchiyaj ma nipano para nechmictise.

⁷Toteco Dios, xijtlachili nochi inintlaixpanolhua huan xiquintlatzacuilti. Ica mohueyi cualancayo, xiquinmajcahua hasta tlalchi.

⁸Ta tinechitztoc quesqui hueltas nimochololtijtoc huan nimochoquilijtoc. Nochi noixayo tijsentilijtoc huan ticajcoctoc ipan se frasco. Huan ipan molibro tiquijcuilojtoc quesqui imiyaca.

⁹NoTeco Dios, quema nimitztzajtzilía para xinechpalehui, nochi nocualancaitacahua nimantzi cholohuaj. Queja nopa eli pampa cuali nijmati para ta tiitztoc nohuaya para tinechpalehuis.