Yontu 35:22-28

²²Tɑcɑɑ, n nɑwɑ mpi pə lɑpɑ tɔ, Tɑɑ hɑtələnɑ-m, pəyele tɑɑ su.

²³Hɑɩ Tɑcɑɑ, kʋlɩ nɑ ń hɑ-m tɑmpɑnɑ, mɑ cɑɑ Ɩsɔ, sɛɛnɑ mɑ tɔɔ.

²⁴Kɛɛsənɑ ɩsənɑ nyɑ́ siɣisuɣu wɛɛ tɔ nɑ ń hɑ-m tɑmpɑnɑ. Nɑ pɑ́ yele-m pɑɑnɑʋ.

²⁵Tɑɑ yele nɑ pɑ́ tɔ sɩ: Tə hikɑ-ɩ nɑ tə tɛ ɩ tɔm.

²⁶Fɛɛlɛ ɩ́ kpɑ pɑ tənɑ mpɑ pɑ lɑŋɑ hɛɛnɑ mɑ wɑhɑlɑ nɑ pɑ́ kʋləɣɩ mɑ tɔɔ tɔ nɑ pə́ liɣiti-wɛ.

²⁷Mpɑ pɑ lɑŋɑ hɛɛnɑ mɑ tɑmpɑnɑ hɑʋ tɔ pɑ́ yɔɔlənɑ lɑŋhʋlʋmlɛ, nɑ pɑ́ yɔɣɔtəɣɩ tɑm sɩ: Tɑcɑɑ wei ɩ cɑɑnɑ ɩ təmlɛ tʋ nɑ hɛɛsʋɣʋ tɔɣɔ tɩɩ tɑləɣɩ tɑm.

²⁸Mɑɑ sɛɛ-ŋ nyɑ́ siɣisuɣu tɔɔ, nɑ mɑ́ sɑŋɩ-ŋ kʋyɛɛŋ tənɑ.