Sabóor 35:22-28

²²Éy Aji Sax ji, yaa ci gis, bul selaŋlu, éy Boroom bi, bul ma sore.

²³Jógal, sàmmal ma sama àq. Sama Yàlla, Boroom bi, àtte ma yoon.

²⁴Aji Sax ji sama Yàlla, àttee ma sa dëgg, ñu bañ maa ree!

²⁵Yàlla buñu ne: «Ñaw! Lii rekk lanu bëggoon.» Yàlla buñu ne: «Sàkkal nanu ko pexe.»

²⁶Ku bége sama njàqare, yal nanga rus, ba torox. Kuy réy-réylu ci sama kaw, yal nanga am gàcce, ne yàcc.

²⁷Ku bége sama der bu set, yal nanga bànneexu, di sarxolle, foo tollu di biral naan: «Aji Sax jee màgg! moom miy bége jàmmi jaamam.»

²⁸Man it ma tudd sa njekk, di la dëkke màggal!