Yontu 148:1-10

¹Ɩ́ sɑ Tɑcɑɑ. Ɩ́ sɑmɩ-ɩ hɑtoo ɩsɔtɔnʋɣʋ tɑɑ, ɩ́ sɑmɩ-ɩ hɑtoo ɩsɔtɑɑ.

²Ɩsɔtɑɑ tillɑɑ mɛ mə tənɑ ɩ́ sɑ Ɩsɔ, Ɩsɔ yoolɑɑ mɛ mə tənɑ ɩ́ sɑmɩ-ɩ.

³Ilim nɑ ɩsɔtʋ ɩ́ sɑmɩ-ɩ, ɩsɔtʋlʋŋɑsɩ mɛ mpɑ ɩ́ tee kɔkɔ tɔ ɩ́ sɑmɩ-ɩ.

⁴Ɩsɔtɑɑ ɩsɔtɔnəŋ mɛ ɩ́ sɑ Ɩsɔ, nɑ lʋmnɑɑ mpɑ mɛ ɩ wɛ ɩsɔtɔnʋɣʋ tɔɔ tɔ mɩɩ sɑmɩ-ɩ.

⁵Pɑ tənɑɣɑ mpʋ pɑ́ sɑ Tɑcɑɑ hətɛ. Mpi tɔ, Ɩsɔ yɔɣɔtənɑ nɑ pə́ ŋmɑ-mɛ.

⁶Ɩnɩ ɩ sɩɩnɑ-mɛɣɛ mə lonɑ kɛ tɑm tɔɔ, ɩ sɩɩ-mɛɣɛ kiiŋ, pə fɛɩ sɩ ɩ́ yɔkɩ-ɩ.

⁷Tɛtʋ tɔɔ nyə́mɑ mɛ ɩ́ sɑ Tɑcɑɑ, teŋkunɑɑ nɑ pɑ tɑɑ tʋmɑɑ sɔsɑɑ ɩ́ sɑmɩ-ɩ.

⁸Nɑ kɔkɔ nɑ tɛʋ tɔmpɛɛ nɑ kʋ kpɑɑkpɑɑcɑʋ, nɑ ɩhunte nɑ tɛʋ heelim sɔsɔɔm mɛ mpɑ ɩ́ lɑkɩ ɩsɩɩ ɩ yɔɣɔtʋɣʋ tɔ. Ɩ́ sɑ Tɑcɑɑ.

⁹Pɔɔŋ nɑ pulɑsɩ mɛ mə tənɑ, nɑ tɩɩŋ kʋlʋlʋŋ nɑ sɔsɔɔŋ tənɑ ɩ́ sɑmɩ-ɩ.

¹⁰Tɑɑlɛ wontu nɑ təyɑɣɑ nyəntʋ, nɑ ɑtɛ kututuutu nɑ sumɑsɩ. Ɩ́ sɑ Tɑcɑɑ.