Sam 148:1-10

¹Leemi asu ri Leeme Silok. Nemi mi nemen to vana rubu rino, mina emi asu mi Leeme Silok ik lok to vana at laxalibet.

²Nemi lubung angelo eburu mi limixin esep teren, mina emi asu min.

³Laxangking mi lagaaling, muna emi asu min, la laxampenti soosoo, mina emi asu min.

⁴Laxalibet pana xasep la ladan ik lok ma vana at laxalibet, mina emi asu min.

⁵Nedi axap mina emi asu mi laasen at Leeme Silok! Neni ga tong mun i la nedi na lempanga ga raut.

⁶Neni ga tong mun i la mo lempanga ga xis bus ap mo lengkot atdi la dinaba nemen lexen go la di noxo ronga xepe levelinga ren.

⁷At na lavatbung menemen, laras main tubu, la lempat konomus, mina emi asu min.

⁸La lamam mi lebetlom uat, lusugao mumudut (snow) mi lengkon takabu, la lara manman lolos ua ding tonga res at levelinga ren, mina emi asu min.

⁹Nemi lengkong kaana mi lempattaavut, la larauna vipisik peeve eburu mi lempatbuan, mina emi asu min.

¹⁰Nemi bok lempanga mi lavanuet kangkedek, lentaba sio la lentaba roonu, la laxa siisi mi lavapixa, mina emi asu min.