Yontu 140:3-12

³Ɩsɑɣɑtʋ kɛ pɑ mɑɣɑsəɣɩ pɑ tɑɑ, nɑ pɑ́ pɛɛkəɣɩ yoou kɛ pɑɑ kʋyɑkʋ ŋku.

⁴Pɑ niisiɣi pɑ nɔɔsɩ ɩsɩɩ tʋmɑɑ. Akɑlɑ sɔtʋ wɛnnɑ pɑ ntompee tɔɔ.

⁵Pɑɑsənɑ-m nɑ mɑ́ tɑɑ hoti ɑsɑɣɑɑ niŋ tɑɑ. Tɑcɑɑ kenti mɑ tɔɔ kɛ́ mʋsʋŋtʋnɑɑ mpɑ pɑ cɑɑ-m pɛtʋɣʋ tɔ pɑ tɔɔ.

⁶Kɑlɑmpɑɑnɩ nyə́mɑ nyəpɑ-m kɑtɔkɑ. Pɑ nyəpɑ-m ŋmɩɩsɩ nɑ puluŋ kɛ mɑ mpɑɑʋ tɑɑ sɩ pɑ kpɑɑkɩ-m. Ɩlɛnɑ pɑ́ sɩɩ kʋhuhum kɛ mpɑɑʋ nɔɣɔ.

⁷Tɑcɑɑ, nyɑɣɑlɛ mɑ Ɩsɔ, ke ŋkpɑŋŋ nɑ ń nɩɩ mɑ wiinɑʋ.

⁸Tɑcɑɑ Ɩsɔ, nyɑɣɑlɛ mɑ nyʋɣʋ təyɑtɛ toŋ nyəntɛ. N kentiɣi mɑ nyʋɣʋ tɔɔ kɛ́ yoou wɑɑtʋ.

⁹Tɑɑ lɑ ɑsɑɣɑɑ luɣu nyəntʋ, pə́cɔ tɑɑ yele nɑ pɑ kʋmɑɣɑsəm lɑ́ nɑ pə́ kɔɔ nɑ pɑ́ hɔ pɑ tɩ.

¹⁰Mpɑ pɑ tɑmɑ-m tɔ, pɑ ɩsɑɣɑtʋ ɩ́ hoti pɑ nyɔɔŋ tɑɑ.

¹¹Pə́ pəlɩ-wɛɣɛ kɔkɔ mɑmɑlɑ. Pə́ tusi-wɛɣɛ kɔkɔ tɑɑ. Pə́ pɛtɩ-wɛɣɛ pʋʋɣʋ sɔsɔɔʋ tɑɑ. Pɑ́ tɑɑ tɑsɑ kʋlʋɣʋ.

¹²Nɔɔleleŋ nyə́mɑ ɩ́ tɑɑ cɑɣɑ tɛtʋ tɑɑ. Pɑɑ tɔɣɔnɩ ɑsɑɣɑɑ nɑ mʋsʋŋtʋnɑɑ kɛ́, hɛɛsʋɣʋ fɛɩ.