Zaburi 140:3-12

³Ndimi zao zinajeruhi kama nyoka; sumu ya fira imo midomoni mwao. Selah

⁴Ee Yahwe, unilinde dhidi ya mikono ya waovu; unikinge na vurugu za watu wanaopanga kuniangusha.

⁵Wenye majivuno wameweka mtego kwa ajili yangu; wameeneza nyavu; wameweka kitanzi kwa ajili yangu. Selah

⁶Nilimwambia Yahwe, “Wewe ni Mungu wangu; usikie kilio changu unihurumie.”

⁷Ee Yahwe, Bwana wangu, wewe ni mwenye nguvu uwezaye kuniokoa; hunifunika ngao kichwa changu siku ya vita.

⁸Ee Yahwe, usiyatimize matakwa ya waovu; usiruhusu njama zao kufanikiwa. Selah

⁹Wale wanao nizunguka huinua vichwa vyao; madhara ya midomo yao wenyewe na yawafunike.

¹⁰Makaa ya moto na yawaangukie; uwatupe motoni, kwenye shimo refu, wasiweze kuinuka tena.

¹¹Watu wenye ndimi na wasifanywe salama juu ya nchi; na uovu umuwinde kumpiga mtu mwenye vurugu mpaka afe.

¹²Ninajua kuwa Yahwe atahukumu kwa haki walioteswa, na kuwa atawapa haki wahitaji.