Yontu 12:1-7

¹Tɑfiiti yontu nti pɑ yookinɑ ŋmɩɩsɩ pəlefɛɩ nɑɑnʋwɑ sɑŋkʋ nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ:

²Hɑɩ, Tɑcɑɑ wɑɑsɩ, nyɑ́ yəlɑɑ tɔŋɑ sɑɑlʋɣʋ kɛ́. Mpɑ pɑ mʋnɑ pɑ́ lɑ-wɛɣɛ nɑɑni tɔ pɑ tɔŋnɑ pɑsʋɣʋ.

³Yəlɑɑ cɑɣɑnɑʋ tike kɛ pɑɑ wei ɩ lɑkɩ, pɑ lotu wɛ nɑɑlɛ nɑɑlɛɣɛ nɑ pɑ́ looliɣinɑ pɑ ntompee.

⁴Tɑcɑɑ kpiisi tʋsəlɑɑ nɑ kɑlɑmpɑɑnɩ nyə́mɑ tənɑ.

⁵Nɑ mpɑ pɑ tɔŋ sɩ: Tɑ́ nsəmlɛ ntɛ́ tɑ́ toŋ, tɑ́ tənnɑ tɑ́ ntompee. Awe kɑ ŋmɑkəlɩ-tʋ?

⁶Ḿpʋɣʋ Tɑcɑɑ tɔmɑ sɩ: Kʋnyɔntʋ wei pɑ lɛɛkəɣɩ tɔ nɑ wɑhɑlɑ tʋ wei ɩ mɔləɣɩ tɔ pɑ tɔɔ mɑɑ kʋlɩ nɑ mɑ́ yɑ mpɑ pɑ cɑɑ tɔ pɑ nyɔɔŋ.

⁷Tɑcɑɑ kʋyɔɣɔtʋtʋ wɛ kɛ́ təcɛɩcɛɩ ɩsɩɩ liɣitee nyəɣəlʋɣʋ ŋku pɑ tʋ kɔkɔ tɑɑ nɑ pɑ́ nyɑɑlɩ tɔm nɑɑtosompɔɣɔlɑɣɑ tɔ.