La Bu 12:1-7

¹Sheminith lakai a Lalamkai pa sahdia David labol Huhhingin, OPakai, michonpha mangthah dingahitai! Leiset mihem te lah amikitah jong abeitai!

²Heng le kom jengjong jouthujengin akilhemtouvin, muhnal alungthima kilhep lhahding jeng thu asei ui.

³Pakaiyin dangnal tah a thukiseiho hi asuh suhbei ding, kiletsahnathuchengho jonghi suthip ding ahitai.

⁴Amahon aseijun, eihon lungnachim set’in jouthu seiju hite, ajehchu i-lei ikam’u eihoa hilouham, kon eisuh tang jou diuham? atiuve.

⁵Pakaiyin adonbut in, “Keiman hatlou lhasamte chunga bolgenthei naho kamudohtai chule migenthei ho kalemao jong kajatai. Tun keima kipan inting huhdoh dia eingaichat bangu va kahuh doh diu ahitai.”

⁶Pakai kitepna hi thengsel’a ahin, dangka mei chunga sagivei kilhit theng tobang ahi.

⁷Hijeh chun, Pakai nangin bol- hesoh’a umho nahuhdoh ding ahi, ti kaheuve, chule hiche kitahlou khang mitea kon’a tonsot geija dinga nahoidoh ding ahi,