37Ləsɩ mɑ ɩsɛ kɛ kpɑɩ nyəm tɔɔ. Tɑɑ yele nɑ mɑ́ pɑɑsənɑ kpɑɩ nyəm. Yele nɑ mɑ́ wɛɛ nyɑ́ luɣu nyəntʋ tɑɑ.
38Lɑ nyɑ́ təmlɛ tʋ mɑɣɑ nti n kɑ sɩɩwɑ mpɑ pɑ nyɑŋnɑ-ŋ tɔ.
39Mɑ wɛnɑ fɛɛlɛ sɔɣɔntʋ kɛ́. Tɑɑ yele nɑ tə́ mɑɣɑnɑ-m.
40Nti mɑ nyɩɩləɣɩ sɔsɔm tɔɣɔlɛ nyɑ́ kʋtʋtʋtʋ lɑpʋ. N kɛ́ siɣisilu kɛ́, hɑ-m weesuɣu.
41Tɑcɑɑ nyɑ́ kʋpɑntʋ ɩ́ kɔɔ mɑ tɔɔ nɑ ń yɑ mɑ nyʋɣʋ ɩsɩɩ n sɩɩʋ tɔ.
42Nɑ mɑ́ wɛɛnɑ nti mɑɑ cɔ mɑ tʋʋlɑɑ tɔ. Mpi tɔ, nyɑ́ kʋyɔɣɔtʋtʋ kɛ mɑ lɑpɑ nɑɑni.
43Tɑɑ ləsɩ tɑmpɑnɑ tɔm kɛ mɑ nɔɣɔ tɑɑ təkpɑtɑɑ. Nti n mɑɣɑsəɣɩ nyɑ́ tɑɑ tɔɣɔ mɑ tɑŋɑɑ.
44Mɑɑ tɔkɩ nyɑ́ kiiu kɛ pɑɑ kʋyɑkʋ ŋkuɣu tɑm tɔɔ kɛ́.