Romu 10

1

2

3

4

5

6

7

8

9

10

11

12

13

14

15

16

¹Tatangwanen. Ne nonenmagawa anowawa, God gumbe Isuraeru igiyawa munan nun watanwa, mu waita aupe.

²Ne yaug anog taibe veniwa mu God gumbe degadegaepam waiya eme. Megara me gigirum anowawa gumbe onan.

³Kuiyawa mu God oraiwa meuma den yaug anoya, sira mu God oraiwa meuma gumbe noiwa den auya. Kuiyawa mu imuwo oraiwa mu mukut tamtan oya anoya.

⁴Keriso me ane Gwangwan onanane, meoya anotumat igiyawa undag God namive oraimina ape.

⁵Mosisi tenewa, Gwangwan oraiwa eme igiyawa inai mutpe oraiwa gumbe.

⁶Megara anotumat oraiwa meuma mamaib waivi. “Ye den waya nonemageyap bira kwimin dog aitan?” Natawa me mameib, Keriso kwimin apa aug aig ontan oya.

⁷Sira, “Ye den waya bira piyu nog epampa aikpe,” Natawa me mameib, Keriso boriruwaya igiyawa gumbo dauwape.

⁸Megara anin waivi? “Gae gungap, nogap sira nonenmagave wakene.” Mame me anotumat numawa gaiyawa me nu wateteyametewa.

⁹Kuiyawa ge nogap, “Iesu me Ayapan,” vegewa, sira nonegap, “God ane Iesu boriruwayawa igiyawa gumbo sira inaine,” anotumat egewa, ge waita auwa.

¹⁰Apan nonenmagave anotumat apewa, God namive oraiwa aupe. Sira noiwa gumbe taibe waiviwa waita aupe.

¹¹Baiboru mamaib waivi, “Me gumbe anotumat aivi abnawa me matai ubmam den ape.”

¹²Ju igiyawa ge Ju onan igiyawa mu yapowo ubeube onan. Ayapan desiroma me iyayapan undag Ayapanowa. Ayapan oya auveme igiyawa undag munanwa Me ano oraiwa kokavit.

¹³Kuiyawa, “Bira da Ayapan oya auwaiviwa me waita aupe.”

¹⁴Megara me gumbe anotumat den ayawa, aninin mu me gumbe oma ane auwape? Mu me gumbe den anoyawa, aninin me gumbe oma ane anotumat ape? Wateteyamivi abnawa den wakenewa, aninin oma ane anope.

¹⁵Bira da den baraug aipewa, aninin akape wateteyampe? Mamaib tene, “Iyayapan mu gae oraiwa aug omomewa amowa me oraivitwa.”

¹⁶Iyayapan obiren gae oraiminawa auya, megara upeba mu den auya. Aisaya wanewa, “Ayapan, bira gae numawa anotumat ane?”

¹⁷Me meib. Anotumat me anoano apa amatope, sira anoano me Keriso gaiyawa gumbe amatope.

¹⁸Megara ne singui watna, “Mu den anoya?” Onan di. “Nouwa at piyu egave undag. Mu gae muma amiya at piyu viri pusiwa.”

¹⁹Megara ne mamaib watna. “Isuraeru mu den yaug anoya go?” Namuiren, Mosisi mamaib wane. “Ne atna ge degadega den a, den watgomiyamunne igiyawa gumbo. Sira ne atna ye danepiriwape, iyayapan mu anoano den yaug anoemewa gumbo.”

²⁰Sira Aisaya yusipamit waivi. “Ne nenan didimama den eme igiyawa ne yaunegiya, sira ne nenan den autan anoeme igiyawa gumbo ne taibe toyau munna.”

²¹Sira Isuraeru gumbe mamaib waivi, “Iyayapan mu nounwa den aueme sira anavi eme, megara ne naninwa mu gumbo kum desirom danave munna.”