Románolachi 10

1

2

3

4

5

6

7

8

9

10

11

12

13

14

15

16

¹Acola, soquila, lachi tencabi israelítalaca duque se lolaisa tenjae. Diosibe rocaimin joyoe yape yalaca se larisa.

²Yala Diosica duque tenca camin jolajoe. Junca mirato tsantinayoe. Junni Diosica duque tenca cato chuminla jotonan, yalari tenca iton tala tenca caminla joe.

³Diosi yalaca niyaque se suwano jonunca miitoto, yalachi tenca munateri sen jochique tenfeminla joe. Diosi yalaca se suwachi tinasanan, merátuchi timinla joe.

⁴Crístobe cayaica jotori, Diosichi mantaca jera meracachiri seichique tenfeno itoe. Tsanque tenca canaminlari deinola joe.

⁵Moisés Diosichi Pilaca matu tote chutenue. Yari junbi jera chutenue niyaque Diosichi mantaca meráto seinola jonunca. Itsanque chutenue: Diosichi jera mantáca meráto nenaminlari numatotiya sonnato polelaichunaeque chutenue.

⁶Crístobe cayaito seino jonunca mantimini uyan quiraque chuteca joe: Tsachila yaca ayudaitusanan Crístori jera quino podeino joeque pato, itsanque chuteca joe. Nula wepanatulajonaque chuteca joe mo jamochi loto Crístoca patarino jonunca.

⁷Junsi mo puyan ocolachica jito Crístoca manlarino jonuncanan tennatulajona! tinue.

⁸Junsi itsantinue: Diosichi fiqui nulachi quelote joe. Ya fiquica miralarae. Nulari meránori cajolajoe tinue. Junni ya fiqui chiquila itsanque micariminlayoe yape nulari quereilaisa.

⁹Junni meralaquinana! Tencabi quereica junlaca Diosi sen jolajoe tichunae. Jeralelabe cuenta quinato Jesucrístochi joyoe timinla se lolaichunae. Junni Jesús Miya joeque paniquinola joe. Diosi Jesús puyacaca mansoncarinueque tencabi quereinola joe. Tsanlaitori, se lolaichunae.

¹¹Diosichi Pilabi itsanque chuteca joe: Jerale Crístobe cayaiminla luralaratuchunaeque chuteca joe.

¹²Junni Diosiberi israelítalanan, israelita itonlanan, jun tsannan jolajoe. Ya Miya joto, jeralelachi Miya joe. Junni jerale yabe rocaiminlaberi sen joe.

¹³Junni man postobi Diosichi Pilabi Miya Jesuca pato itsanque chuteca joe: Jeralela Miyabe rocaiminla se lolaichunaeque chuteca joe.

¹⁴Tsan jonari, yabe cayailaitutori, ¿niyaito yabe rocailaichunan? Junsi yaca miica itotori, ¿niyaito yabe cayailaichunan? Junsi yalaca micarilaquitunari, ¿niyaito miilaichunan?

¹⁵Junsi micariminlaca eretulajonari, ¿niyaito micarilaquichunan? Juncanan Diosichi Pilabi chuteca joe. Itsantinue: Diosichi sen fiquica micaribi jiminlari duque seque jilaichunae tinue.

¹⁶Junni itsanque patie: Crístoca paca sen fiqui micarinanunca merántsan joe. Junni meráto, cayaintsan joe. Junni tsan josanan, weyan israelítalari ya fiquica miratonan, cayaituminla joe. Isaías yalaca pato itsanque chutenue: Miya Diosi, narin tsachila chiquila pacaca quereilaichunae tinue.

¹⁸Israelítala miracachiri miralarae. Diosichi Pilabi itsantinue: Jun fiqui jerale tote mera jochunae tinue.

¹⁹Junni israelítala punquichi merátonan, ¿entendeilaitun? Diosichi Pilabi chutecaca manan manquiralaquisa! Casale Moisés itsanque pila chutenue: Diosi israelita itonlacanan laquiranae tinue yape israelítala pailaisa yalacasiri laquirano joe tito. Diosi tenca itonlabenan sen joanae tinue yape israelítala pailaisa.

²⁰Junni Isaías fe sonba pato, itsanque Diosichi Pilabi chutenue: Laca neyatuminlari laca felaichunae tinutie. Laca panhatuminlabe quiraiyanae tinutie.

²¹Junto israelítalacari pato, Isaíari itsantinue: Diosi yalaca numasitiya ayudaichi tinasanan, merátuchi timin uyan tenca pun tsachila jolajoe tinutie.