1Lebi'į hermanos, yala rexalátsa'a' ca paisano quia' nna rinábania' Tata Dios lani oración qui'ni iyaba ca enne' quia' Israel nna ccá cą salvo.
2Inte' nna nabia' te' cą nna hua yúli rània' qui'ni yala religioso ná cą para guni cą Tata Dios servir, pero álahua lani la' ritelíni.
3Labí nabia'ni cą ti'iỹa tsè' ná nu ra Tata Dios para eyacca ri'u nàri ru'a lúe. Làcą nna runi gáláa cą duel·la' iria nàri cą lani e de ca tul·la' qui' quį, pero calatsi' quį guni cą na según la' rulábalatsi' qui' bá quį nna labí ríalatsi' quį nu ra Tata Dios para guni e cą recibir.
4Labiru ná qui'ni guni ri'u duel·la' eyacca ri'u nàri ru'a lo Tata Dios por medio de ca obra nu ra lo biỹa ley religiosa, porqui'ni chi bitá Cristua para qui'ni gappa ri'u fe lani e.
5Moisés nna bedia bi qui'ni nuỹa diba gunią cumplir iyaba ca mandamiéntua nna ą' modo nna iria nàrią ru'a lo Tata Dios para gunie na recibir para gata' adí la'labàni quì'į.
6Pero por medio de fe qui' ri'u, ą' modo nna runie ri'u recibir, acca labiru rena ri'u: yà'laỹa riquina' eyya ttu enne' ỹiabara'. Canchu ína ri'u ą' nna, ti'atsi chì' itá lá Cristua yétsiloyu.
7Nìhua labiru rena ri'u: yà'laỹa riquina' tsía ttu enne' lugar itettia liu'u yú. Canchu ína ri'u ą' nna, ti'atsi chì' eyátha lá Cristua de lo canu yatti.
8Biáruala ra lo Escritura cá. Pues ra íį: Exa tabá du titsa' qui' Tata Dios lani lu', chi gul·lanią hasta lo losto' lu' ą'hua para quixá'a lu' ą, quiere decir ca titsa' nu runi tu' predicar nu rulue' qui'ni iria nàri lu' por medio de fe qui' lu'.
9Acca canchu tsíalatsi' lu' lani itute losto' lu' qui'ni Tata Dios nna chi bechìthee Jesucristua de lo lù'uti para labiru gattie attu nna, ą'hua canchu equixá'ani lu' adí ca enne' qui'ni Jesucristua nna née enne' rigú'ubia' lo iyate, ą' modo nna huacca lu' salvo nna labí tsía lu' lo yi'bél·la.
10Porqui'ni de chi ríalatsi' ri'u lani itute losto' ri'u, ą' modo nna eyacca ri'u enne' nàrì ru'a lo Tata Dios nna gunie ri'u recibir. Ą'hua de riquixá'ani ri'u adí ca enne' qui'ni chi ríalatsi' ri'u, ą' modo nna rulue' qui'ni chi ná ri'u salvo.
11Ra lo Escritura qui'ni nuỹa tediba ríalatsi'į ne nna nunca labí elèninią bitola.
12Nuỹa tediba, porqui'ni tulappa ná iyaba ri'u para lani Señor, ya sea intu' ca enne' judío, o ya sea lebi'į ca enne' qui' adí ca nación l·le. Ttùba Enne' née Señor qui' iyábani ca enne' tsè'e le' yétsiloyu nna yala gunie bendicir nuỹa tediba enne' ni canchu inàbanią ne lani oración.
13Nuỹa tediba enne' ni gul·luítsa'ą Señor nna inàbanią ne qui'ni gudilèe na, lą nna gata' salvación quì'į.
14Pero ti'ani modo gul·luítsa' cą Señor nna inàbani cą ne para qui'ni l·lá cą canchu labí chi ríalatsi' quį ne ni'i. Ti'ani modo tsíalatsi' quį nu rèe para gappa cą confianza lani e canchu labí chi biyénini cą titsa' quì'e nì'i. Ti'ani modo iyénini cą titsa' quì'e canchu lanú nuỹa quixá'anią cą nì'i.
15Ti'ani modo tsía ca mensajero hueni predicar canchu ca hermano nna labí rithel·la' cą evangelista gaỹa lugar ni nì'i. Chi ga'na escrito qui'ni para ca enne' nna yala hermoso ná nì'a nuỹa hermano itsina'ą yetsi qui' quį nna equixá'ą ca titsa' de salvación nna la' redacca' latsi' nu runna la'ỹeni lo losto' quį nna.
16Ca enne' canu tse'e le' ca yétsia nna álahua iyaba cą guyú'ulatsi' quį ca titsa' nu ra lo evangelio, sino beni cą tì'a riquixa'a Isaías loti' ra bi Señor: Casi lanú enne' té runi aceptar ca titsa' tsè' nu chi gutixà'a tu'.
17Así es de qui'ni chi té fe qui' ri'u lani Jesucristo porqui'ni chi biyénini ri'u quì'e. Chi biyénini ri'u quì'e porqui'ni ttu enne' nna chi gutixá'anią ri'u evangelio qui' Tata Dios.
18Tsí álahua gùta' huá oportunidad qui' quį dèsdeba antes para iyénini cą na nì'i. Chìa biyénini cą na. Ra huá lo Escritura: Le' itúbani yétsiloyu chi biyénini cą tsì'i quį, ą'hua titsa' qui' quį nna chi bitsina' cą hasta último parte qui' yétsiloyu.
19Ą'hua rinába tìtsa'a': Tsí hua rulaba latsi' le qui'ni bihua chi nabia'ni ca enne' Israel la' rulábalatsi' nu té qui' Tata Dios para ituba yétsiloyu cá. Chìa nabia'ni cą na. Por ejemplo, chi ra Tata Dios ca enne' Israel por medio de Moisés: Canchu chi i'yu tsá nna gulué'nia' la' tsì'ilatsi' nu té lo lóstu'a' lani ca enne' qui' adí ca nación, Làniana yala la' yélatsi' ba gappa le. Ą' gunia' màsqui'ba labí ná cą enne' Israel tì'a lebi'į. Ca enne' de una vez tè ignorante, yala itsa'áni le cą porqui'ni retúa huá latsa' ya' cą.
20Lo libro nu bedia Isaías nna, átitó' fuerte rinne Tata Dios: Tse'e canu lahuábí gunàba titsa' cą ti'iỹa modo gunibia' cą inte', pero chi benia' qui'ni claru tabá chi nabia'ni cą inte'.
21Pero qui' ca enne' Israel nna rèe: Tulidàba raỹia' cą qui'ni itá cą lani inte', pero làcą yala cabezudo ná cą nna càla latsi' quį edúdítsini cą inte'.
