Naokɛa 3 - Bibeli Luayãtaalá

¹Mↄizi ń Aalonao buiↄ yã́n kɛ gↄↄ pↄ́ Dii yã'ò Mↄiziɛ Sinai gbɛ musu.

²Aalona nɛgↄ̃ɛↄ tↄ́n kɛ: Aà nɛgↄ̃ɛ sɛ̃́ia Nadabu, Abiu, Ɛleazaa, Itamaa.

³Aalona nɛ́ pↄ́ wà ń dílɛ sa'onaↄ ũ wà sa'ozĩ nànɛ́ ń ↄzĩↄ tↄ́n we.

⁴Nadabu ń Abiuo gàga Dii aɛ Sinai guwaiwaiuɛ, kɛ́ aa mↄ̀ aà aɛ ń tɛ́ zĩ̀loo yã́i. Aai nɛ'i yãao, ↄ̃ Ɛleazaa ń Itamaao gↄ̃̀ sa'onaↄ ũ ń mae Aalona gↄↄ.

⁵Dii yã'ò Mↄiziɛ à mɛ̀:

⁶Mↄ́ ń Levii buiↄ, ní ń na Aalonaɛ a ↄzĩ, aali zĩkɛaànↄ.

⁷Aali kpaaũkpɛ kpɛɛlɛ zĩ pↄ́ má dà Aalonaɛ ń Isailiↄ píi kɛ ń zwã̀akpɛpi zĩo lↄ.

⁸Aali laaidↄ kpaaũkpɛ pↄkeleↄwa, aaiↄ zwã̀akpɛpi zĩ pↄ́ má dà Isailiↄnɛ kɛò.

⁹Levii buiↄ na Aalona ń a nɛ́ↄnɛ ń ↄzĩ. Isaili pↄ́ wa kpàwà míↄmiↄↄn we.

¹⁰Aalona ń a nɛ́ↄ dilɛ ma gbàgbanaↄ ũ. Tó gbɛ̃́ zĩ̀loe sↄ̃̀mazi, à gàɛ.

¹¹Dii yã'ò Mↄiziɛ à mɛ̀:

¹²Mámɛ ma Levii buiↄ sɛ̀ Isailiↄ guu Isaili nɛgↄ̃ɛ sɛ̃́iaↄ gbɛu. Levii buipiↄ iↄ dɛ ma pↄ́ ũ,

¹³asa za gↄↄ pↄ́ ma Egipi nɛgↄ̃ɛ sɛ̃́iaↄ dɛ̀dɛ, ma Isaili nɛgↄ̃ɛ sɛ̃́iaↄ ń ń pↄtuo nɛsana sɛ̃́iaↄ dìlɛ ma pↄ́ ũɛ. Mámɛmaa Dii.

¹⁴Dii yã'ò Mↄiziɛ Sinai guwaiwaiu à mɛ̀:

¹⁵Levii buiↄ nao daɛdaɛ ualɛ ń ualɛo. An gↄ̃ɛↄ nao píi sɛa za nɛ́ mↄ doↄwa.

¹⁶Ɔ̃ Mↄizi ń nao lá Dii òɛwa.

¹⁷Levii nɛ́ↄ tↄ́n kɛ: Geesↄ̃, Kɛata ń Mɛlalio.

¹⁸Geesↄ̃ nɛ́ↄ tↄ́n kɛ daɛdaɛ: Libeni ń Simɛio.

¹⁹Kɛata nɛ́ↄ tↄ́n kɛ daɛdaɛ: Amlaũ, Isaa, Hɛblↄ̃ ń Uziɛlio.

²⁰Mɛlali nɛ́ↄ tↄ́n kɛ daɛdaɛ: Mali ń Musio. Levii buiↄn we daɛdaɛ ualɛ ń ualɛo.

²¹Libeni buiↄ ń Simɛi buiↄ mɛ́ Geesↄ̃ buiↄ ũ.

²²Gↄ̃ɛ pↄ́ wà ń nao sɛa za nɛ́ mↄ doↄwaↄ gbɛ̃ↄn ↄ̀aasↄsↄo lɛɛ sopla ń ↄ̀aa pla ń basↄooɛ (7.500).

²³Geesↄ̃ buipiↄ lí bòokpa zwã̀akpɛpi kpɛ naa bɛ'aɛ oi.

²⁴Laɛli nɛ́ Ɛlisafa mɛ́ ń kía ũ.

²⁵Geesↄ̃ buiↄ líↄ zwãa ń báa pↄ́ wàli kú kpaaũkpɛaↄ zĩ kɛ ń a kpɛɛlɛ zwãao

²⁶ń kaa lɛ́ zwãao ń kaa pↄ́ lia zwã̀akpɛpi ń sa'okĩiozi zwãao ń a baↄ píi.

²⁷Amlaũ buiↄ ń Isaa buiↄ ń Hɛblↄ̃ buiↄ ń Uziɛli buiↄ mɛ́ Kɛata buiↄ ũ.

²⁸Sɛa za nɛ́ mↄ doↄwa, an gↄ̃ɛↄ gbɛ̃ↄn ↄ̀aasↄsↄo lɛɛ swaaↄ̃ ń ↄ̀aa àaↄ̃oɛ (8.600). Aamɛ aaliↄ zĩkɛ zwã̀akpɛu.

²⁹Kɛata buipiↄ mɛ́ aali bòokpa zwã̀akpɛpi saɛ naa gɛↄmidↄkĩi oi.

³⁰Uziɛli nɛ́ Ɛlizafã mɛ́ ń kía ũ.

³¹Aaliↄ kpagolo ń táabũnuo ń dauo ń sa'okĩio ń tulaletikatɛakĩio ń zwã̀akpɛ zĩkɛbↄↄ ń suunao zĩ kɛ píi.

³²Sa'onkia Aalona nɛ́ Ɛleazaa mɛ́ Levii bui kíaↄ dↄaana ũ. Aàpi mɛ́ ì wɛ́tɛ zwã̀akpɛ zĩkɛnaↄzi.

³³Mali buiↄ ń Musi buiↄ mɛ́ Mɛlali buiↄ ũ.

³⁴Kɛ́ wà ń nao sɛa za nɛ́ mↄ doↄwa, an gↄ̃ɛↄ gbɛ̃ↄn ↄ̀aasↄsↄo lɛɛ soolo ń ↄ̀aa dooɛ (6.200).

³⁵Abihaili nɛ́ Zuliɛli mɛ́ ń kía ũ. Aali bòokpa zwã̀akpɛ saɛ naa gugbãntoo oi.

³⁶Wà Mɛlali buiↄ dìlɛ aaliↄ wɛ́tɛ zwã̀akpɛ lipɛpɛɛↄzi ń a lipↄ̃ↄↄ ń a lipɛlɛↄ ń lipɛlɛpi zɛbↄↄ ń a pↄkeleↄ píi.

³⁷Aaliↄ kaa pↄ́ liaa zwã̀akpɛi lipɛlɛↄ ń a zɛbↄↄ ń a kũbↄↄ ń a baↄ zĩ kɛ lↄ.

³⁸Mↄizi ń Aalonao ń Aalonapi nɛ́ↄ lí bòokpa kpaaũkpɛ aɛ naa gukpɛ oi. Aamɛ aaliↄ luakukĩi zĩ kɛ Isailiↄnɛ. Tó gbɛ̃́ zĩ̀loe sↄ̃̀i, à gàɛ.

³⁹Levii bui pↄ́ Mↄizi ń Aalonao ń nao daɛdaɛ lá Dii òwaↄn we. Sɛa za nɛ́ mↄ doↄwa, aa gbɛ̃ↄn ↄ̀aasↄsↄo lɛɛ bao ń plaoɛ (22.000).

⁴⁰Dii ò Mↄiziɛ à mɛ̀: Isaili nɛgↄ̃ɛ sɛ̃́iaↄ nao píi sɛa za nɛ́ mↄ doↄwa, ní ń tↄ́ dalau.

⁴¹Bee gbɛa ní Levii buiↄ dilɛ ma pↄ́ ũ Isaili nɛgↄ̃ɛ sɛ̃́iaↄ gbɛu ḿpii, ní Levii buiↄ pↄtuoↄ dilɛ ma pↄ́ ũ Isailiↄ pↄtuo nɛsana sɛ̃́iaↄ gbɛu píi. Mámɛmaa Dii.

⁴²Ɔ̃ Mↄizi Isaili nɛgↄ̃ɛ sɛ̃́iaↄ nào lá Dii òɛwa,

⁴³sɛa za nɛ́ mↄ doↄwa. Kɛ́ wà ń tↄ́ kà láu píi, an dasi kɛ̀ gbɛ̃ↄn ↄ̀aasↄsↄo lɛɛ bao ń ↄ̀aa do ń bàaↄ̃kwi ń àaↄ̃oɛ (22.273).

⁴⁴Ɔ̃ Dii yã'ò Mↄiziɛ à mɛ̀:

⁴⁵Levii buiↄ dilɛ ma pↄ́ ũ Isaili nɛgↄ̃ɛ sɛ̃́iaↄ gbɛu, ní Levii buiↄ pↄtuoↄ dilɛ ma pↄ́ ũ Isailiↄ pↄtuo nɛsana sɛ̃́iaↄ gbɛu. Mámɛmaa Dii.

⁴⁶Isaili nɛgↄ̃ɛ sɛ̃́iaↄ dasi dɛ Levii buiↄla gbɛ̃ↄn ↄ̀aa do ń bàaↄ̃kwi ń àaↄ̃o. Gbɛ̃́ pↄ́ dìapiↄ boa yã́ musu,

⁴⁷ã́nusu ↄwatɛ̃ sↄ́sↄo símá an baade miwa, lá wà a gbia dìlɛ ma kúkĩiwa, ní kpá Aalona ń a nɛ́ↄwa. Ãnusu do gela baoɛ.

⁴⁹Ɔ̃ Mↄizi gbɛ̃bo'ↄ̃api sì gbɛ̃́ pↄ́ an dasi dɛ̀ Levii buiↄlapiↄwa.

⁵⁰À ↄ̃asì Isaili nɛgↄ̃ɛ sɛ̃́iapiↄwa ã́nusu ↄwatɛ̃ ↄ̀aa soolo ń baswaaↄ̃sↄoo (1.365), lá wà a gbia dìlɛ luakukĩiwa.

⁵¹Ɔ̃ a kpà Aalona ń a nɛ́ↄwa lá Dii òɛwa.

Naokɛa 3123456789101112131415161718192021222324252627282930313233343536

Naokɛa 3
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36