Naokɛa 31 - Bibeli Luayãtaalá

¹Dii yã'ò Mↄiziɛ à mɛ̀:

²Tↄ si Madiãↄwa Isailiↄnɛ, ní tá n deziↄ kĩ́i.

³Ɔ̃ Mↄizi ò gbɛ̃́ↄnɛ: Á gbɛ̃eↄ ń gↄ̃kɛbↄↄ sɛ́lɛ aa gɛ́ Madiãↄwa ń zĩo, aai tↄsimá Diiɛ.

⁴À gbɛ̃́ↄ sɛ́ gbɛ̃ↄn ↄ̀aasↄsↄo bui ń buio, í ń gbaɛ zĩkai.

⁵Ɔ̃ Isaili bui píi gbɛ̃́ↄ kpà ↄ̀aasↄsↄo, ↄ̃ zĩgↄ̃ↄ kɛ̀ gbɛ̃ↄn ↄ̀aasↄsↄo lɛɛ kuɛpla (12.000).

⁶Mↄizi ń gbáɛ zĩkai bui ń buio gbɛ̃ↄn ↄ̀aasↄsↄo. Sa'ona Ɛleazaa nɛ́ Finɛasi gɛ̀ńnↄ, a zwã̀akpɛ pↄ́ↄ kũa ń kuu pↄ́ wì yã'oòↄ.

⁷Aa zĩkà ń Madiãↄ lá Dii dà Mↄiziɛwa, aa ń gↄ̃ɛↄ dɛ̀dɛ píi.

⁸Madiã kíaↄ ku gbɛ̃́ pↄ́ aa ń dɛdɛↄ guu gbɛ̃ↄn sↄo, Ɛvi ń Lɛkɛũo ń Zuuo ń Huluo ń Lɛbao. Aa Bɛↄↄ nɛ́ Balaaũ dɛ̀ lↄ.

⁹Aa Madiã nↄɛↄ ń ń nɛ́ↄ kũ̀kũ, mɛ́ aa ń pↄtuoↄ ń ń pↄ́ↄ sɛ̀lɛ píi.

¹⁰Ɔ̃ aa tɛsↄ̃̀ an wɛ̃́lɛↄwa ń ń bualoũↄ ń ń kpàsaↄ píi.

¹¹Aa ń pↄ́ↄ sɛ̀lɛ píi ń zĩ̀zↄↄ ń pↄtuoↄ,

¹²aa gɛ̀ò Mↄizi ń sa'ona Ɛleazaao kĩ́i ń Isailiↄ píi an bòou Mↄabu bùsu sɛ̃u Yuudɛ̃ baale bↄaa ń Yelikoo.

¹³Mↄizi ń sa'ona Ɛleazaao ń Isaili dↄaanaↄ píi gɛ̀ daińlɛ bòo kpɛ.

¹⁴Ɔ̃ Mↄizi pↄ pà zĩgↄ̃ dↄaana pↄ́ lɛ́ su ń zĩoↄzi, gbɛ̃ↄn ↄ̀aasↄsↄoↄ dↄaanaↄ ń gbɛ̃ↄn basↄobasↄoↄ dↄaanaↄ.

¹⁵À ń lá à mɛ̀: Bↄ́yãi a nↄɛↄ tòi bɛ̃́ɛi?

¹⁶Ampiↄ mɛ́ Balaaũ yãmà aa tò Isailiↄ bↄ̀ Dii kpɛ Peoo yã́ musu, ↄ̃ Dii gagyãkà gbɛ̃́ↄgu.

¹⁷À nɛgↄ̃ɛↄ dɛdɛ píi ń nↄɛ pↄ́ gↄ̃ɛ dↄ̃ↄ píi.

¹⁸Nɛnↄɛ pↄ́ i gↄ̃ɛ dↄ̃ yãaoↄ sↄ̃, à tó á pↄ́ ũ bɛ̃́ɛ.

¹⁹Á gbɛ̃́ pↄ́ a gbɛ̃dɛ̀ↄ ń á gbɛ̃́ pↄ́ a ↄkã̀ gɛwaↄ, à gↄ̃ bòo kpɛ gↄↄ sopla. A gↄↄ àaↄ̃de ń a gↄↄ soplade zĩ́o, à gbãbↄ ázĩaɛ ń á zĩ̀zↄↄ.

²⁰À gbãbↄ á pↄkasaɛ píi ń pↄ́ pↄ́ wa kɛ̀ ń báaoↄ ń blekãↄ ń líↄ píi.

²¹Ɔ̃ sa'ona Ɛleazaa ò zĩgↄ̃ pↄ́ gɛ̀ zĩlauↄnɛ: Ikoyã pↄ́ Dii dà Mↄiziɛn kɛ:

²²Vua ń ã́nusuo ń mↄgotɛ̃o ń mↄsio ń mↄpuo ń bɛↄmao

²³ń pↄ́ pↄ́ a tɛ́ fↄ̃́ↄ píi, à dↄdↄ tɛ́a, i gↄ̃ gbãlɛsai. Pↄ́ pↄ́ a tɛ́ fↄ̃́oↄ sↄ̃, à málɛ íu.

²⁴À á pↄkasaↄpi a gↄↄ àaↄ̃de ń a gↄↄ soplade zĩ́o, í gↄ̃ gbãlɛsai, í gbasa gɛ̃ bòou.

²⁵Dii ò Mↄiziɛ à mɛ̀:

²⁶Mpi ń sa'onkia Ɛleazaao ń Isaili uabeleↄ, à gbɛ̃́ pↄ́ aa kũ̀ zĩlauↄ nao ń pↄtuoↄ,

²⁷í kpaalɛ sáasaa lɛɛ pla, gbɛ̃́ pↄ́ gɛ̀ zĩlauↄ lɛɛ do, gbɛ̃́ kĩni pↄ́ kú bɛↄ lɛɛ do.

²⁸Falu bↄmɛɛ gbɛ̃́ pↄ́ gɛ̀ zĩlauↄ pↄ́ guu. Pↄ́ mɛ̀ndo bↄ ma pↄ́ ũ pↄ mɛ̀n ↄ̀aa pla ń basↄoo guu, gbɛ̃nazĩna ge zu ge zàa'ĩna ge sã ge blen nò.

²⁹Sɛ an pↄ́ↄ guu màa, ní kpá sa'onkia Ɛleazaawa ma baa ũ.

³⁰Isaili kĩniↄ pↄ́ↄ sↄ̃, pↄ́ mɛ̀n blakwi guu pↄ́ mɛ̀ndo, gbɛ̃nazĩna ge zu ge zàa'ĩna ge sã ge ble ge pↄtuo pãlen nò, ní kpá Levii pↄ́ aaì laaidↄ ma zwã̀akpɛwaↄwa.

³¹Ɔ̃ Mↄizi ń sa'onkia Ɛleazaao kɛ̀ lá Dii ònɛ́wa.

³²Pↄ́ pↄ́ zĩ̀kanaↄ sìmá aa sùòↄn kɛ: Sã ń bleo ↄ̀aasↄsↄo lɛɛ ↄ̀aa àaↄ̃ ń bàaↄ̃kwi ń sↄoo (675.000).

³³Zuↄ ↄ̀aasↄsↄo lɛɛ bàaↄ̃kwi ń plao (72.000).

³⁴Zàa'ĩnaↄ ↄ̀aasↄsↄo lɛɛ bàaↄ̃ ń mɛ̀ndoo (61.000).

³⁵Nↄɛ pↄ́ aai gↄ̃ɛ dↄ̃ yãaoↄ ↄ̀aasↄsↄo lɛɛ baakwi ń plao (32.000).

³⁶A guo mɛ́ zĩ̀kanaↄ baa ũ, sãↄ ń bleↄ ↄ̀aasↄsↄo lɛɛ ↄ̀aa do ń basoolokwi ń soplao ń ↄ̀aa pla ń basↄoo (337.500).

³⁷A guu wà falubↄ̀u Diiɛ ↄ̀aa àaↄ̃ ń bàaↄ̃kwi ń sↄoo (675).

³⁸Zuↄ ↄ̀aasↄsↄo lɛɛ baakwi ń soolooɛ (36.000). A guu wà falubↄ̀u Diiɛ bàaↄ̃kwi ń plao (72).

³⁹Zàa'ĩnaↄ ↄ̀aasↄsↄo lɛɛ baakwi ń ↄ̀aa pla ń basↄooɛ (30.500). A guu wà falubↄ̀u Diiɛ bàaↄ̃ ń mɛ̀ndoo (61).

⁴⁰Gbɛ̃nazĩnaↄ ↄ̀aasↄsↄo lɛɛ gɛ̃o ń mɛ̀ndooɛ (16.000). An guu wà falubↄ̀u Diiɛ baakwi ń plao.

⁴¹Mↄizi falupi kpà sa'onkia Ɛleazaawa Dii baa ũ lá Dii òɛwa.

⁴²Ɔ̃ à a lɛɛ do dìlɛ adoa Isaili kĩniↄ pↄ́ ũ.

⁴³Sãↄ ń bleↄ ↄ̀aasↄsↄo lɛɛ ↄ̀aa do ń basoolo ń soplaoɛ ń ↄ̀aa pla ń basↄoo (337.500).

⁴⁴Zuↄ ↄ̀aasↄsↄo lɛɛ baakwi ń sooloo (36.000).

⁴⁵Zàa'ĩnaↄ ↄ̀aasↄsↄo lɛɛ baakwi ń ↄ̀aa pla ń basↄoo (30.500).

⁴⁶Gbɛ̃nazĩnaↄ ↄ̀aasↄsↄo lɛɛ gɛ̃o ń mɛ̀ndoo (16.000).

⁴⁷Isaili kĩniↄ baa guu, Mↄizi kɛ̀ lá Dii òɛwa. À gbɛ̃́ mɛ̀ndo bↄ̀ gbɛ̃ↄn blakwiↄ guu, à pↄtuo mɛ̀ndo bↄ̀ pↄtuo blakwiↄ guu, ↄ̃ a kpà Levii pↄ́ aaì laaidↄ Dii zwã̀akpɛwaↄwa.

⁴⁸Ɔ̃ gbɛ̃́ pↄ́ dɛ zĩgↄ̃ gbɛ̃ↄn ↄ̀aasↄsↄoↄ dↄaanaↄ ge zĩgↄ̃ gbɛ̃ↄn basↄobasↄoↄ dↄaanaↄ ũ sↄ̃̀ Mↄizizi

⁴⁹aa òɛ̀: Wápiↄ n zↄ̀blenaↄ, wa zĩgↄ̃ pↄ́ wálɛ wɛ́tɛńziↄ nào, gbɛ̃e i kɛ̃́sã ń guuo.

⁵⁰Bee yã́i wa mↄ ń gbaↄ Diiɛ lákaa wá duunaa aà aɛ yã́i. Baade mↄ̀ ń vua zãblebↄ pↄ́ á sɛ̀lɛↄ ń gã̀sĩgbɛↄ ń zãↄ ń tãanaↄ ń swã́liↄ ń ↄ̃nɛɛↄ.

⁵¹Ɔ̃ Mↄizi ń sa'onkia Ɛleazaao pↄ́ pↄ́ wa pì ń vuaopiↄ sì.

⁵²Vua pↄ́ zĩgↄ̃ dↄaanapiↄ mↄ̀ò Diiɛ kà kiloo ↄ̀aa do kwisai (190).

⁵³Kɛ́ zĩgↄ̃piↄ pↄ́piↄ sɛ̀lɛ yãa, aa dìlɛ ńzĩa pↄ́ ũɛ.

⁵⁴Kɛ́ Mↄizi ń sa'onkia Ɛleazaao vua pↄ́piↄ sì zĩgↄ̃ dↄaanapiↄwa, aa gɛ̃̀ò kpaaũkpɛu, kɛ́ Isailiↄ yã́ líↄ dↄ Diigu yã́i.

Naokɛa 31123456789101112131415161718192021222324252627282930313233343536

Naokɛa 31
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36