LUKU 1:40-54

⁴⁰À gɛ̀ɛ Zakari bɛa, akũ à fↄ kpà Ɛlizabɛtia.

⁴¹Kũ Ɛlizabɛti Mariama fↄↄ pìi mà, a nɛ́ vĩ̀ a gbɛrɛ gũn, akũ Luda Nini sù Ɛlizabɛtia,

⁴²à wiki gbãna lɛ̀ à pì: Arubarikademɛ n ũ de nↄgbɛ̃ sĩnda pínkila. Arubarikaden nɛ́ kũ à kú n gbɛrɛn ũ dↄ.

⁴³Bↄ́n ma ũ, kũ ma Dikiri da sù ma gwaa?

⁴⁴Gↄrↄ kũ ma n fↄkpammanaa mà dé, nɛ́ kũ à kú ma gbɛrɛn vĩ̀ kũ pↄnnaomɛ.

⁴⁵Arubarikademɛ n ũ, mↄkↄ̃n kũ n yã kũ Dikiri ònnɛ sì, kũ ani kɛ.

⁴⁶Akũ Mariama pì: Matɛn Dikiri tↄ́ sɛ́ lei ma swɛ̃̀ɛ gũn,

⁴⁷ma pↄ tɛn kɛ nna Luda ma Surabariia,

⁴⁸zaakũ à ma yã dà, makũ a zↄ̀bleri kũ mádi ká pↄ́ke ũro. Zaa tera ari gↄrↄ sĩnda pínki oni pimɛnɛ arubarikademɛ,

⁴⁹zaakũ Luda gbãnade yã zↄ̃kↄ̃ↄ kɛ̀mɛnɛ. A tↄ́ kú adona.

⁵⁰Àdi wɛ̃nda dↄ̃ gbɛ̃ kũ òdi a vĩna kɛnↄnɛ ari ń buria.

⁵¹À a gã̀a pòro, à a gbãna mↄ̀ńnɛ, à zĩdabirinↄ fã̀kↄ̃a kũ ń laasunnↄ.

⁵²À gbãnadenↄ bò kpatan, à talakanↄ sɛ̀ lei.

⁵³À pↄ mananↄ kpà nàdɛrinↄa ò kã̀, ama à ↄgↄdenↄ gbàrɛ ↄkori.

⁵⁴À kpà a zↄ̀bleri Isarailanↄi, ń yã dí sãaguro.