Luka 1:40-54

⁴⁰Ani feuradu Zakaria ne diuḡiro. Ebu Elisabeta niro, raenaꞌa, “Manoḡahehe?”

⁴¹Elisabetaꞌa Maria ago igirotene, ubugaꞌe isi zamaḡano hagariro, ebu Vine Zaḡoḡaniꞌa Elisabeta mazao iriꞌaviro.

⁴²Ebu aniꞌa Maria ḡihau ninaꞌa, “Badiꞌaꞌa manohuga ḡaneha. Ḡaeꞌa roḡae niduꞌa vitizoga. Ḡaꞌa fureniteꞌe tahiꞌaḡa zuni Badiꞌaꞌa manohuga haꞌuma.

⁴³Eḡe Zuhiꞌa Boro viꞌaꞌe eḡe vaḡe onaeha! Badiꞌaꞌa eḡe veize manoḡa boro haḡaeha!

⁴⁴Eꞌe ḡa ago egatene, eḡe isi zamaḡano tahiꞌa kobeꞌaꞌe matuꞌeꞌenaꞌa hagareha.

⁴⁵Ḡaꞌe Badiꞌa manohuga hideꞌeteꞌe roḡaeḡa, mazaḡa Zuhiꞌa Boroꞌa ḡaniroteꞌe ḡoeꞌa mae ḡihiniro.”

⁴⁶Ebu Mariaꞌa reiro, raenaꞌa, “Eḡe Zuhiꞌa Boro niguneꞌohe!

⁴⁷Ebu zamaheꞌe eḡe sauꞌanonoꞌo ḡaboheꞌeteꞌe Badiꞌaḡa mazao matuꞌe rudauꞌohe,

⁴⁸mazaḡa eꞌe tuḡure roḡaeḡa zu nihe zuhuꞌa rehano, Badiꞌaꞌa e mene aḡutaro. Izidionoꞌo onamo mada niduꞌa, vaze niduꞌaꞌa reꞌuma, raenaꞌa, 'Gaꞌe Badiꞌaꞌa manohuga ḡaneꞌohe!'

⁴⁹mazaḡa inaraḡo gigiꞌa Badiꞌaḡaniꞌa gau boro eḡe veize haḡaeha. Ebuni aniꞌe zaḡoḡa!

⁵⁰Badiꞌaꞌe ane gubazeꞌeteꞌe azaḡa zu ze mariga niduꞌa vetuḡaziꞌohe.

⁵¹Aniꞌe evoꞌa inaraḡa hina gau gigiꞌaḡa haḡairo, ebu zeḡe bare mae ḡihizeꞌeteꞌe azaḡa hegoze ḡururuziro.

⁵²Aniꞌe kini zeḡe ehoro habaꞌanonoꞌo hegoze vaḡiziro, ebu nize mae ovoeꞌeteꞌe azaḡa mae ḡihiziro.

⁵³Aniꞌa vinizeꞌeteꞌe azaḡa ḡau manoḡa zenadu ze idararo. U maꞌora azaḡaꞌe ꞌevore isoḡa tuḡuze onamiro.

⁵⁴Badiꞌaꞌa emeḡe vouḡa Aberahamo zu ane mariga veize ḡoitoriro, raenaꞌa, 'E zae izidiꞌonoꞌo mada tuḡutuḡu vetuḡaziꞌeꞌuma.' Ebu izidi aniꞌa ḡoitoriroteꞌe ḡoeꞌa zamaradu eḡe zu ane Isaraela tuḡure azaḡa danafiro.”