Luk 1:40-54

⁴⁰Ta un̰jitu ɗo ger kan̰ Zakariya ho ta ooyiitit ɗo Elizabeet.

⁴¹Min Elizabeet doriit ooyti-at di, mic kaak ɗo adti-ak teestu awke ho Ruwwin ta Buŋdi miiniita.

⁴²Ta kaawtu iŋ gaaƴ toŋgo aman : « Min daaɗ okin̰co-aŋ, kaŋken di Buŋ barkiyiŋke ho mic kaak ɗo adke oki, ŋa barkiyga.

⁴³Nun gay waa, taat nam atan̰ Rabbiner asiin talindu ?

⁴⁴Talu, ɗo wiktin taat nu dorig gaaƴke di, mic kaak ɗo adir-aŋ alji gala nam ŋa awke.

⁴⁵Galal loke, kaŋ taat aamin ɗo kaaw taat Rabbin kaawiike a taa nece ɗo werti ! »

⁴⁶Kar Mariyam ictu riye aman : « Nu ozila Rabbin Buŋ, ŋaar kaak tatiko.

⁴⁷Gelbiner miin iŋ galal, asaan Buŋ jilaanu.

⁴⁸Ŋa tal aminduwir, nun taat gay riyoy ho diŋ ŋa jaalintu. Ka seener gay, min ƴiriyta ɓaayiy iŋ uŋti, gee okin̰co yaa kaawe a Buŋ berdu galal,

⁴⁹asaan Buŋ kaak gin gudurre okintiti berdu gamin kuuk samaan lotu. Sellen̰ gay siŋji.

⁵⁰Aminduwiy goy doo ɗo gee kuuk karmiyaaga.

⁵¹Ŋa gaarit gudurrey iŋ soriyay. Ŋa totirig gee kuuk jaala ziŋkico kuwa.

⁵²Ŋa paayig sultinnay min ɗo jarɗico, ho ŋa jaalig masaakanna kuwa.

⁵³Gee kuuk mey diyaagu, ŋa berco tee, ho gay gamnar gay, ŋa atkiig iŋ pisin̰co orok.

⁵⁴Ŋa mogig gay riyoy, gee ku Israyeel. Ansi-ak, ŋa moyiig tale ka aminduwiy.