Lucas 1:40-54

⁴⁰Káddemát na ten bilay de Zacarias ay binati na ti Elisabet.

⁴¹Pákkasanig ni Elisabet kánni Maria ay nagarikad en anak ten disalad nen tiyan na. Naputat ti Banal a Ispiritu ti Elisabet.

⁴²Sakay nepákraw siya ten saya na a kinagi na, “Pinagpala ka ten atanan a bábbi sakay pinagpala bi i buktet muwen!

⁴³Deyaák beman para bisitaán nen ina nen Panginoon ku?

⁴⁴Ten pákkasanig ku ten bati mu ay nagarikad ten saya na i anakidi ti tiyan kuwiday.

⁴⁵Pinagpala ka ta summampalataya ka a mangyari en kinagi nen Panginoon dikomu.”

⁴⁶Sakay kinagi ni Maria, “Magpuri i pusu kuwiday ten Panginoon,

⁴⁷sakay en ispiritu ku ay masaya ten Diyos a Tagapagligtas ku.

⁴⁸Gapu awanák na pinabayan maski mababaák la a alipin na! Sapul nadid ay kagiyán nen atanan a tolay a sikán ay pinagpala.

⁴⁹Gapu dikál a bagay en ginamet dikoku nen Makapangyariyan a Diyos. Siya ay Banal!

⁵⁰En habag na ay para ten atanan a tolay, sakay ten atanan a lahi a tehud a ánteng dikona.

⁵¹Impeta na en begsák nen barasu na, sakay linitu na en hambug hidi ti pággisipan.

⁵²Inibutan na ten trono di en tehud hidi a kapangyariyan. Sakay intaas na en ked hidi ten mababa a kalagayan.

⁵³Pinutat na ti mágkaganda a bagay en magaláp hidi. Sakay pinalakad na a awan ti tawid a ányaman en mágkayaman hidi.

⁵⁴Tinulungan na en tagapagserbi na a Israel, awan na hidi linimon a kahabagan.