Luk 1:40-54

⁴⁰U tì baa' ki kɔn' Sakari den, nɛ ki fuonde' Elisabɛt.

⁴¹Elisabɛt cii' ifuonde nnɔ ma nnɔ, nɛ uʼbuk nukbe' uʼbenku ni. *Mifuoñaanm jiire' ní uʼbo ki gbien',

⁴²nɛ u len' ufaa bo ki ye: «Uwien tien' ŋɛ uʼmɔnm ki cɛn' bipiib kɛ, ki tien' mimɔnm kibuk kà te aʼbenku ni nnɔ mɔ bo.

⁴³Nʼmɔ ya ba nɛ nʼYonbdaan ya naa baa' nʼsaan-i?

⁴⁴Kimɛ uyo wà aʼfuonde lu' nʼtubl ni nnɔ, nɛ nʼbuk nukbe' nʼbenku ni nin uyɛnsɔnge.

⁴⁵Sin wà teke' ki jin' ki ye Yonbdaan tɔke' ŋɛ nà nnɔ li tien nnɔ, Uwien ya mɔnm te aʼbo.»

⁴⁶Nɛ Mari ye: «N ñɛngeh Yonbdaan,

⁴⁷ki ŋmɔbe uyɛnsɔnge ki gbien', Uwien, nʼŊmiɛnl bo.

⁴⁸U tiɛre' min uʼtonsɔnpiijiin bó, fɛnfɛnnɔ kí taa kí li joh, binib kɛ li len kí ye Uwien ya mɔnm te nʼbo.

⁴⁹Kimɛ mituɔm kɛ ya daan tien' nni tibont tà ŋmɔbe ukpiɛke, uʼyel si: Uñaan nɛ.

⁵⁰U li tuu ki teh binib bà boh wɔ tinimɔ̀nt nɛ, haali uyo wà ŋa ŋmɔbe gbenm.

⁵¹U wuɔn' binib uʼtuɔm, ki ŋɔre' binib bà maaleh ki teh bi yé binikpɛkpiɛkb nnɔ.

⁵²U ñɛn' bibɛrciɛnb biʼbɛl ni, ki kpiɛke' bijiinb.

⁵³U de' binib bà mikònm ŋmɔbe bɛ tibont na ŋmɔbe fuul, ki ŋɔre' bifàadɛnb bi bure' inɔpien.

⁵⁴U tiɛre' uʼnimɔ̀nt bó, ki tore' uʼtonsɔnb Israyɛl yaab,