Lukka 1:40-54

⁴⁰O naati suudu Jakariyaa, o jowti Elisabet.

⁴¹Nde Elisabet nannoo jowtaango makko ndeen, ɓiɗɗo gonɗo e reedu muuɗum oon dimmbii. Ndeen Elisabet hebbinaa Ruuhu Ceniiɗo,

⁴²ƴeewnii e daande toownde, wi'i: —A barkinaaɗo hakkunde rewɓe! Ɓiɗɗo mo ndeeduɗaa o du wo barkinaaɗo!

⁴³Miin, wo mi ɗume faa inna Joomiraaɗo wari to am?

⁴⁴Ndaar, nde jowtaango maa yottinoo nowru am ndeen, ɓiɗɗo gonɗo e reedu am oon dimmborake kuyam.

⁴⁵Barke woodanii ma, aan goonɗinɗo ko Joomiraaɗo haalani maa ɗuum tabitan.

⁴⁶Mariyama wi'i: —Yonki am ina mana Joomiraaɗo!

⁴⁷Ɓernde am ina heewi seyo e dow Laamɗo Kisinoowo kam,

⁴⁸sabo o yurmake kam, miin, korɗo makko leeƴuɗo. Gilla joonin jamaanuuji fuu noddiran kam barkinaaɗo.

⁴⁹Sabo Jom baawɗe waɗanii kam kulle mawɗe! Innde muuɗum wo seniinde.

⁵⁰Yurmeende muuɗum ina woni dow hulooɓe ɗum jamaanu dow jamaanu.

⁵¹O gollii golleeji mawɗi e semmbe junngo makko, o sankitii mawninkiniiɓe e anniyaaji muɓɓen.

⁵²O saamdinii kaanankooɓe e laamuuji muɓɓen, o toownii leeƴuɓe.

⁵³O haarnirii yolbuɓe kulle lobbe, o yoppii jom'en jawdi juuɗe ɓole.

⁵⁴O wallii yimɓe Israa'iila, maccuɓe makko ɓeen, sabo o yeggitaay ko o haaldunoo e maamiraaɓe meeɗen, yurmaade Ibrahiima e ƴuwdi muuɗum faa abada.