Lukas 1:40-54

⁴⁰beya meloḳ ya Sakaria yi begganġ benër hes vuheng raḳ Elisabet.

⁴¹Hurmahen nare loḳ Elisabet ayo, gElisabet nġo Maria aye, lob hurmahen neggee loḳ ayo rot. Lob Anon Vabuung loḳ yam ggërin Elisabet ayo,

⁴²lob tahi niwëëk bë, “Anutu semu honġ kesuu avëh pin. Besemu hurmahen sën nare loḳ ayom aga ving.

⁴³Sa nebë va om sën Mehöböp ata yam vu sa-ë?

⁴⁴Om gwenġo rë, sa hanġo ayem loḳ ya nengaġ, lob hurmahen sën loḳ nare sayoġ agi kwa vesa beggee.

⁴⁵Yönon, Mehöböp rëḳ semu honġ in ġevonġ ving ġaġek sën nër vu honġ lo.”

⁴⁶Lob Maria nër bë: “Sa nehaḳo Mehöböp arë raḳ loḳ ayoġ.

⁴⁷Lob sanoġ nepisek in Anutu sën ḳo sa yah vu yi lo.

⁴⁸In sa og nġaa meris, rëḳ setu yi hur avëh besemu sa. Om vu gwëbeng sënë gevu tamusën, og alam pin rëḳ denanër nabë Anutu semu sa.

⁴⁹In Anutu Mehö Niwëëk ata vonġ nġaa böpata rot vu sa, garë tu vabuung.

⁵⁰Yi semusemu neggëp ving alam sën deneggurek babu lo, genesepa loḳ naluj lo meneya meneya rot.

⁵¹Nema nevonġ huk niwëëk, log netii alam sën deneḳo sir raḳ loḳ ayoj lo, meya denepalët loḳ.

⁵²Nedahun alam-los-bengöj niwëëk wëëk, geneḳo alam sën su los arëj rë lo raḳ.

⁵³Nevo nġaa nivesa vesa vu alam sën deneraḳ vu in nġaa lo, bedeneḳo beggovek, rëḳ alam sën los bengöj-ggoreksën lo, og netii sir yah los nemaj meris.

⁵⁴Neloḳ vu yi hur Israel, in yö nahën kwa nevo yi ġaġek