Luk 1:40-54

⁴⁰Pe ti wa woto yukoh Sekaraia pe, ti wirisukwarme Elisabet.

⁴¹Ŋupe ŋaiye Elisabet wasande ŋaiye Maria wirisukwarme ti pe, talah papalai nale nat tahaiꞌ nato tapam Elisabet pe, ti papararme Yohe Yirise.

⁴²Pe ti wanange wusyep marnge na, “Ŋoih miꞌmiꞌ ŋaiye Got yale pe, ki taharꞌe tuweinge lalme, topoꞌe talah ŋaiye nin na araꞌe pe, Got ka ŋoih miꞌmiꞌ me kin embere supule!

⁴³Kom ŋam tuwei mune ti, nin nate netekeꞌe ŋam. Nin mam Lahmborenge ŋam, kut ŋam tuwei pakaiye.

⁴⁴Ŋupe ŋaiye ŋam masande wusyep irisukwarme nin pe, talah ŋaiye tahaiꞌ nato tapam ŋam papalai ŋanah hriphrip supule.

⁴⁵Nin si ŋenerme wusyep tikin Lahmborenge ŋaiye ŋai esep ka tuwei. Taꞌe luku pe, na hriphrip supule.”

⁴⁶Pe Maria wanange na, “Ŋoihmbwaip ŋam mirisukwarme Lahmborenge supule, topoꞌe ŋam chuchukwarme Got, kin Miyeꞌ nungwisme ŋam.

⁴⁸Ŋam tuwei wah pakaiye kin, kom kin ŋoiheryembe ŋam. Taꞌe luku pe, tahar tukwini nenge nal pe, lenge miyeꞌ tuweinge lalme ka yininge nange ŋam tuwei ŋaiye Got ende ŋam hriphrip supule.

⁴⁹Detale, Got kin bongol pe, ki ŋende ŋaiꞌe ŋaiꞌe ŋembere me ŋam. Pe naŋ kin yirise supule.

⁵⁰Pe nyermbe nyermbe kin ŋoihginirme lahmende ŋaiye yasarꞌe ŋimbep yahraꞌe naŋ kin.

⁵¹Kom ki ŋesembele syep bongol kin pe, ki nangalai lenge mitiŋ ŋaiye jate bip yahraꞌe naŋ tititinge.

⁵²Kin si tale lenge miyeꞌ ondoh nate gah kekep, kut kin nahraꞌe lenge miyeꞌ tuweinge ŋaipwa ŋiꞌ nanah hlaꞌ.

⁵³Kin nangange ŋai nal lenge ŋaipwa ŋiꞌ, kut kin ginyen lenge miyeꞌ lowe yenge syep pakaiye yal.

⁵⁴Ki ŋende gande wusyep upwaiꞌe kin ŋaiye kin si ŋana lenge loumwah poi ŋaiye ka ŋoih miꞌmiꞌ me poi pe, kin nate gah nungwisme poi Israel, miyeꞌ tuweinge wah kin.