1عَلَتَلَ نَشَ عَ مَسٍن ﭑ بّ، عَ نَشّ،
2«عَدَ مَدِ، سُننُن سُوكِ بَ تِرٍ بّ.
3عِ شَ عَ قَلَ يِ بْنسْي بّ، نَشَن سَبَتِشِ بَا دّ رَ، نَشَن يُلّيَ رَبَ دُنِحَ بِرِن، ‹عَلَتَلَ يِ نَن مَسٍنشِ؛ وٌ تَن تِرٍ، وٌ نَشّ وٌ تٌقَن دَنفِ بِرِن نَ.
4وٌ سّنبّ نُ فبٌ بَا مَ، وٌ شَ كُنكُي يَءِلَنيِيٍ نُ وَلِمَ عَ قَنيِ رَ.
5عٍ نُ سِثِرّ وُرِ رَوَلِمَ كٍلِقٍ سٍنِرِ بْشِ مَ، عٍ نُ سّدِرِ وُرِ رَوَلِ كٍلِقٍ لِبَن بّلَ رَ.
6عٍ نُ كٌندٍ وُرِ يَءِلَن لَالَ رَ نَشَن كٍلِشِ بَسَن. عٍ نُ سَنتَلِ وُرِ رَوَلِ كٍلِقٍ سِثِرِ بْشِ مَ كُنكُي رَشُنمَسٍ رَ، عٍ قَ فّمّ تٌقَنيِيٍ رَ سٌ نَ وُرِ كُي.
7عِ شَ بّلَ يَءِلَنشِ تَسْشْي تٌقَنيِ نَن نَ كٍلِقٍ مِسِرَ. دُفِ فبّتّيٍ قَن نُ فبَكُمَ وٌ شَ كُنكُييٍ رَ نَشٍيٍ قِندِشِ فَرّ دُفِ رَ كٍلِقٍ عٍلِسَهَ بْشِ مَ.
8سِدْنكَيٍ نُن عَرَوَدَكَيٍ نَن نُ نَ وٌ شَ لَالَبَيٍ رَ، تِرٍكَيٍ نَن نُ نَ وٌ شَ كُنكُي رَحّرّيٍ رَ.
9فٍبَلِكَيٍ نَن نُ نَ وٌ شَ كُنكُي يَءِلَنيِيٍ رَ. كُنكُييٍ نُ قَمَ وٌ يِرٍ كٍلِقٍ دُنِحَ بِرِن مَ يُلّيَ رَبَدٍ.›»
10«ثٍرِ سٍكَيٍ، لِدِكَيٍ، نُن ثُتِكَيٍ نَن نُ نَ وٌ شَ سْورِ فَلِيٍ رَ، عٍ شَ فٍرٍ سٌسٍيٍ نُن عٍ شَ مَكَنتَسٍيٍ نُ فبَكُمَ وٌ شْنيِ نّ. نَ بِرِن قِندِشِ شِلِ قَنيِ نَن نَ وٌ بّ.
11عَرَوَدَ نُن هٍلٍشِ سْورِيٍ نَن نُ وٌ شَ تّتّ مَكَنتَمَ، فَمَدِكَيٍ نَن نُ مّينِمَ وٌ شَ يِرٍ مَكَنتَشِيٍ مَ، عٍ شَ فٍرٍ سٌسٍيٍ نُن عٍ شَ مَكَنتَسٍيٍ نُ فبَكُمَ وٌ شْنيِ نّ. نَ بِرِن قِندِشِ شِلِ قَنيِ نَن نَ وٌ بّ.»
12تَرَ سِسِكَيٍ نُ فبٍتِ، وُرٍ، يْشُي، نُن سُنبُي نَن مَسَرَ مَ وٌ شَ يِرَبَسٍيٍ رَ.
13فِرّكِكَيٍ، تُبَلِكَيٍ، نُن مٍسٍكِكَيٍ نُ كٌنيِيٍ نُن وُرٍ فبٍيلِ نَن مَسَرَ مَ وٌ شَ يِرَبَسٍيٍ رَ.
14تٌفَرَ مَكَيٍ نُ سٌي نُن سٌقَلٍ مْولِ بِرِن نَن مَسَرَ مَ وٌ شَ يِرَبَسٍيٍ رَ.
15دٍدَنكَيٍ نُ سَرٍ سٌمَ وٌ شْنيِ سِلِ حِنيِيٍ نُن وُرِ قَنيِ نَن نَ.
16وٌ تَن نُن عَرَ مِكَيٍ نُ يُلّيَ رَبَمَ وٌ بٌرٍ تَفِ. عٍ نُ فّمّ تٌقَنيِ، فَرّ دُفِ، دُفِ رَوَلِشِ، دُفِ مَسْشْشِيٍ، بَا بُن مَ فّمّ، نُن فّمّ تٌقَنيِ فبٍيلِيٍ نَن مَسَرَ مَ وٌ شَ يِرَبَسٍيٍ رَ.
17يُدَكَيٍ نُن عِسِرَيِلَكَيٍ نُ مّنفِ نُن قُندٍنيِ مَنِيّ نَشٍيٍ كٍلِشِ مِنِتِ بْشِ مَ، دٌنسٍ حْشُنمّيٍ، كُمِ، تُرٍ، نُن سٍرِ نَن مَسَرَ مَ وٌ شَ يِرَبَسٍيٍ رَ.
18دَ مَسِكَيٍ نُ قَمَ وّنِ نَن نَ كٍلِقٍ شٍلٍبٌن نُن يّشّي شَبٍ كٍلِقٍ سَشَرُ، عٍ نُ عٍ مَسَرَ مَ وٌ شَ يِرَبَسٍيٍ رَ.
19دَنَكَيٍ نُن يَوَنِكَيٍ نَشٍيٍ كٍلِشِ عُسَلِ، عٍ نُ وُرٍ، كَسِيَ وُرِ، نُن سٍرِ نَن مَسَرَ مَ وٌ شَ يِرَبَسٍيٍ رَ.
20دٍدَنكَيٍ نُ قَمَ سٌي مَشِرِ دُفِيٍ نَن نَ.
21عَرَبِكَيٍ نُن كٍدَرِ مَنفّيٍ نُ يُلّيَ رَبَمَ وٌ شْنيِ يّشّييٍ، سِ كٌنتٌنيِيٍ، نُن سِيٍ نَن نَ.
22سٍيبَ نُن رَ مَ يُلّيٍ نُ سٍ شِرِ حْشُنمّ، فّمّ تٌقَنيِيٍ، نُن شّيمَ نَن مَسَرَ مَ وٌ شَ يِرَبَسٍيٍ رَ.
23«شَرَنِكَيٍ، كَننٍكَيٍ، عٍدٍنكَيٍ، سٍيبَكَيٍ، عَسِرِيَكَيٍ، نُن كِلِمَدَكَيٍ بِرِن نُ يُلّيَ رَبَمَ وٌ شْنيِ نّ.
24عٍ نُ قَمَ دُفِ تٌقَنيِيٍ، فَرّ دُفِيٍ، دُفِ تَسْشْييٍ، نُن دُفِ مَسْشْشِيٍ مْولِ بِرِن نَن نَ.»
25«تَرَ سِسِ كُنكُييٍ نَن وٌ شَ يُلّيَ سٍيٍ مَشَنِنمَ وٌ بّ. وٌ شَ كٌتٍ فبٌ نَشَن حّرّ مَ بَا مَ.
26وٌ شَ لَالَ بَيٍ وٌ شَنِنمَ يِرٍ مَكُيٍ بَا مَ، كْنْ قٌيٍ نَشَن كٍلِمَ سٌفٍتٍدٍ مَبِرِ، عَ وٌ مَدُلَمَ نّ بَا مَ.
27وٌ شَ نَاقُلِ، وٌ شَ يُلّيَ سٍيٍ، وٌ شَ يِرَبَسٍيٍ، وٌ شَ كُنكُي رَفِيٍ، وٌ شَ كُنكُي يَءِلَنيِيٍ، وٌ شَ سْورِيٍ، وٌ شَ يُلّيٍ، مِشِ بِرِن نَشٍيٍ نَ وٌ شَ كُنكُييٍ كُي، عٍ مَدُلَمَ نّ نَ فبَلٌي لْشْي.
28كُنكُي رَحّرّيٍ فبٍلٍفبٍلٍ شُي مّمَ نّ كٍلِقٍ بَا دّ رَ.
29لَالَ بَيٍ، كُنكُي رَحّرّيٍ بِرِن تِمَ بَا دّ رَ نَ قٍ مَ.
30عٍ وَ مَ، عٍ شَ سُننُنيِ شُي رَتٍمَ وٌ شَ فبَلٌي شَ قٍ رَ، عٍ شُبٍ سٌ عٍ شُنيِيٍ مَ وٌ شَ حْن قٍ تّمُي.
31عٍ عٍ شُنيِيٍ بِمَ نّ سُننُنيِ كُي، عٍ سُننُن دُفِيٍ رَفٌرٌ عٍ مَ. عٍ وَ عٍ شُي عِتٍشِ رَ، عٍ بْحّ تْورْ مَ نّ كِ قَنيِ رَ.»
32«نَ بِرِن كُي عٍ سُننُن سُوكِ ندٍ بَمَ نّ وٌ بّ، عَ قَلَقٍ رَ، ‹سِ مُندُن حْنمَ يِ كِ عَلْ تِرٍ حْنشِ كِ نَشّ؟›
33وٌ شَ يُلّيَ كٌتٍ تٌ حّرّ مَ بَا مَ، حَمَنّيٍ نُ حّلّشِنمَ نّ وٌ شَ يِرَبَسٍيٍ رَ. وٌ شَ نَاقُلِ نُن وٌ هَرِفٍ نَن نُ عَ نِيَمَ دُنِحَ مَنفّيٍ شَ بَننَيَ سْتْ.
34كْنْ يَكْسِ بَا تَن بَرَ وٌ شُن نَكَنَ، عَ بَرَ وٌ شَ كٌتٍ نُن وٌ شَ مِشِيٍ دٌن فبِكِ.
35مِشِ نَشٍيٍ سَبَتِشِ بَا دّ، عٍ بَرَ فَاشُ، هَلِ مَنفّيٍ دّ بَرَ عِشَرَ.
36يُلّ نَشٍيٍ نَ دُنِحَ، عٍ بِرِن بَرَ كَابَ وٌ شَ فبَلٌي شَ قٍ رَ. وٌ شَ قٍ بَرَ حْن كٍرٍنيِ رَ.»
