8Грозны Бог у вялікім гурце сьвятых, грозны Ён усім, хто Яго атачае.
9Госпадзе, Божа сіл! хто моцны, як Ты, Госпадзе? І праўда Твая навокал Цябе.
10Ты валадарыш над лютасьцю мора; калі ўздымаюцца хвалі яго, Ты іх таймуеш.
11Ты скінуў Раава, як пабітага; моцнаю мышцай Тваёю расьсеяў ворагаў Тваіх.
12Твае - нябёсы і Твая - зямля; сусьвет, і што напаўняе яго, Ты заснаваў.
13Поўнач і поўдзень Ты стварыў; Фавор і Ярмон зь імя Твайго радуюцца.
ПСАЛТЫР 88
ПСАЛТЫР 88:8-13