ПСАЛТЫР 83:8-13

⁸прыходзяць ад сілы ў сілу, паўстаюць прад Богам на Сіёне

⁹Госпадзе, Божа сіл! Пачуй малітву маю, уважы, Божа Якаваў!

¹⁰Божа, абаронца наш! Прынікні і дагледзь аблічча памазанца Твайго.

¹¹Бо адзін дзень у дварах Тваіх лепшы за тысячу. Хачу лепей быць каля парога ў доме Божым, чым жыць у намётах няславы.

¹²Бо Гасподзь Бог ёсьць сонца і шчыт, Гасподзь дае мілату і славу; дабра не адмаўляе тым, хто ў беззаганнасьці ходзіць.

¹³Госпадзе сіл! Дабрашчасны той чалавек, які на Цябе спадзяецца!