ПСАЛТЫР 80:8-16

⁸У гароце ты паклікаў Мяне, і Я цябе вызваліў; зь сярэдзіны грому пачуў Я цябе; пры водах Мэрывы выпрабаваў цябе.

⁹Слухай, народзе Мой, і Я буду сьведчыць табе; Ізраіле! о, калі б ты паслухаў Мяне!

¹⁰Хай ня будзе ў цябе іншага Бога, і не пакланяйся богу чужому.

¹¹Я Гасподзь, Бог твой, Які вывеў цябе зь зямлі Егіпецкай; разамкні твае вусны, і Я напоўню іх».

¹²Але народ Мой ня слухаўся голасу Майго, і Ізраіль не ўпакорваўся Мне;

¹³таму Я пакінуў іх упартасьці іхняга сэрца, хай ходзяць паводле намераў сваіх.

¹⁴О, калі б народ Мой слухаў Мяне і Ізраіль хадзіў Маімі шляхамі!

¹⁵Я хутка ўпакорыў бы ворагаў іхніх і павярнуў бы руку Маю на прыгнятальнікаў іхніх;

¹⁶ненавісьнікі Госпада поўзалі б перад імі, а дабрашчасьце доўжылася б заўсёды.