ПСАЛТЫР 51:5-11

⁵Ты болей любіш зло, чым дабро, а няпраўду болей за праўду казаць;

⁶ты любіш усякія шкадлівыя словы, язык аблудны.

⁷За гэта Бог зруйнуе цябе дарэшты, выкіне цябе і вырве цябе зь сялібы тваёй і корань твой зь зямлі жывых.

⁸Убачаць праведнікі і напалохаюцца; пасьмяюцца зь іх і скажуць:

⁹вось чалавек, які ня ў Богу закладваў цьвярдыню сваю, а спадзяваўся на мностьва багацьця свайго, мацаваўся ў злачынстве сваім.

¹⁰А я, як аліва зялёная, у доме Божым; і надзею кладу на міласьць Божую на векі вечныя,

¹¹вечна буду славіць Цябе за тое, што Ты ўчыніў, і на Тваё спадзявацца імя, бо яно добрае перад сьвятымі Тваімі.