5Indeeŋe ta anaŋ ipeebe yo ma aŋsu, mi imar indeeŋe koozi na, aŋpaŋobŋoobo pa zaala ku. Pa indeeŋe ta aŋbotmbot men lela anaŋ kopoono na, aŋsaana pataaŋa kek.
6Anutu, nu lelem be aŋkam mbulu tio ta boozomen raama leleŋ, mibe aŋto sua ŋonoono men. Tana itum paute yo pa ŋgar ku ambaiŋana. Naso imbol la leleŋ.
7Ziiri sanaana tio ma ila lene. Naso leleŋ iŋgalaŋ. Ŋguuru yo ma leleŋ iŋgeeze kat.
8Kam mbulu sa tabe iswe kembei: Nu reege sanaana tio kek. Naso leleŋ ambai mini mi menmeen yo. Nu ŋgal motoŋ pa sanaana tio ma motoŋ siŋiini isu. Kam ma menmeen yo mini.
9Motom mbiriizikaala mbulu tio boozomen ta irao pa nu motom som na. Mbulu ta aŋkam ŋoobo na, mus ma ila lene.
10Anutu, ur ŋgar popoŋana ta iŋgeeze men sula leleŋ, mi pombol yo. Naso aŋmender mbolŋana mi aŋkiskis mbulu ku.
11Ziiri yo pa kerem uunu pepe. Mi tatke Bubuŋom Potomŋana pio pepe.