ПСАЛТЫР 23:1-6

¹Псальма Давідава. У першы дзень тыдня. Гасподняя зямля і ўсё, што на ёй, сусьвет і ягоныя жыхары,

²бо Ён заснаваў яе на морах, і на рэках яе ўгрунтаваў.

³Хто падымецца на гару Гасподнюю, альбо хто стане на сьвятым месцы Ягоным?

⁴Той, у каго рукі невінаватыя і чыстае сэрца, не прысягаў хто душою сваёю напуста і не бажыўся хлусьліва,

⁵той атрымае дабраславеньне ад Госпада і літасьць ад Бога, Збаўцы свайго.

⁶Такі род усіх, што шукаюць Яго, шукаюць аблічча Твайго, Божа Якаваў!