3Не кладзеце надзеяў на князёў, на сына людзкога, у якім ратунку няма.
4Выходзіць дух ягоны, і ён вяртаецца ў зямлю сваю; у той дзень зьнікаюць усе намеры ягоныя.
5Шчасны, каму памочнік Бог Якаваў, у каго надзея на Госпада Бога ягонага,
6Які стварыў неба і зямлю, мора і ўсё, што ў іх, Які вечна захоўвае вернасьць,
7творыць суд пакрыўджаным, дае хлеб галодным. Гасподзь вызваляе вязьняў;
8Гасподзь размыкае вочы сьляпым, Гасподзь сагнутых выпроствае; Гасподзь любіць праведных.
ПСАЛТЫР 145
ПСАЛТЫР 145:3-8