Yontu 77:2-11

²Mɑɑ wiinɑ Ɩsɔ nɑ mɑ́ heeli-ɩ mɑ tɔm, mɑɑ wiinɑ-ɩ nɑ ɩ́ ké ŋkpɑŋʋɣʋ nɑ mɑ tɔɔ.

³Ye mɑ lɑŋlɛ wɑkəlɑɑ, mɑ pɛɛkəɣɩ Tɑcɑɑ kɛ́, nɑ mɑ́ tɛkəɣɩ-ɩ niŋ kɛ ɑhoo, hɛɛsʋɣʋ fɛɩ, mɑ luɣu fɛɩ sɩ pɑ́ puɣusi-m.

⁴Ye mɑ tɔɔsɑ Ɩsɔ tɔɔ mɑ nəɣəsəɣɩ kɛ́, ye mɑ kpɑɣɑ ləmɑɣɑsɛɛ ɩlɛ mɑ ɑpɑlʋtʋ yɔɔlɩ.

⁵Tɑcɑɑ, nn tisiɣi sɩ mɑ́ kpətɩ ɩsəlɛ, nɑ pə́ cɔɔsəɣɩ-m, mɑ nɔɣɔ tɑɑ fɛɩ kete.

⁶Ye mɑ hʋʋ pɩɩsɩ kɑncɑɑlɑɣɑ nyənsɩ nɑ kʋyɛɛŋ wei ɩ tɛɛwɑ tɔ ɩ tɔm,

⁷mɑ tɔɔsəɣɩ mɑ yontunɑɑ tɔm kɛ ɑhoo kɛ́, nɑ mɑ mɑɣɑsəɣɩ hɑtoo mɑ tɑɑ nɑ mɑ́ pɛɛkəɣɩ mɑ hʋwɛɛ tɑɑ.

⁸Tɑcɑɑ n kɑ́ lɔ-tʋɣʋ tɑm tɔɔ? Nyɑ́ pɑɑ kɑɑ wɛɛnɑ-tʋ?

⁹N yelɑ-tʋɣʋ kʋpɑntʋ lɑpʋ kɛ tɑm tɔɔ? N kɑɑ tɑsɑ-tʋɣʋ nɑtələɣɩ heeluɣu kɛ pɑɑ wulee?

¹⁰Ɩsɔ tɑ́ sɔɔ tɑ́ pətɔɔtəlɛ tɔɔ, pəyele ɩ tɑ mʋ pɑ́ɑ́nɑ́ nɑ ɩ́ yele ɩ suulu hʋlʋɣʋ.

¹¹Mɑ yɔɣɔtɑ mɑ tɑɑ sɩ mpi pə tʋɣʋ-m wɑhɑlɑ tɔɣɔlɛ sɩ, Ɩsɔtɑɑ Ɩsɔ Sɔsɔ ɩɩ tɑsəɣɩ-tʋɣʋ pɑɑsənɑʋ.